| Home | Contact Us |

අපේ වෙබ් අඩවියට ඔබ සැම ඉතා සාදරයෙන් පිළිගනිම

Print This Post Print This Post Email This Post Email This Post 325 views

ඔබ කාලයට නිසි වටිනාකමක් ලබා දී තිබෙනවාද? (Have you given real value to your time?)

කතුවරයා/දේශකයා: on 9th March 2017

කාලය මිනිස් ජිවිතයේ මිලකළ නොහැකි සම්පතකි. එය අපතේහැරීම විශාල පාඩුවක් බව බොහෝ දෙනෙකුට තේරෙන්නේ මරණය ලඟා වූ පසුවය. එහෙත් මරණය ලඟා වූ පසු කිසිවෙකුට නැතිවී ගිය කාලය කිසිම අන්දමකින් නැවත ලබාගත හැකි වන්නේ නැත. මිනිසාගේ මරණයෙන් පසු ජීවිතය සම්පුර්ණයෙන්ම තීරණය වන්නේ ජිවිතය ගත කළ ආකාරය අනුවය. 
මුහම්මද් සල්ලල්ලාහු අලෛහි වසල්ලම් තුමා පවසන අන්දමට මෙලොව උපදින සෑම කෙනෙකුගේම ජීවන කාලය කොපමණදැයි උපදින අවස්ථාවේදීම තීරණය කොට හමාරය. කිසිවෙකුට එය වෙනස්කල නොහැකිය. එබැවින් බුද්ධිමතුන් කාලය මනා ලෙස කළමනාකරණය කර තම ජිවිතයේ අභිමතාර්ථය ජය ගනු ඇත. එහෙත් එහි වටිනාකම නොදත් අය මැරෙන තුරු කෙලි සෙල්ලමේ කාලය ගතකරමින් සිට ඔවුන්ගේ මරණයෙන් පසු පසු තැවිලි වනු නොඅනුමානය.
අල්-කුරානය මගින් කාලය මත දිවුරා තිබීමෙන් කාලයේ වටිනාකම මැනවින් දැනගත හැකි වන්නේය. එම කුර්ආන් පාඨය මෙසේය.

“කාලය කෙරෙහි දිවුරා පවසමි! නියතව මිනිසා පාඩුවෙහිම සිටියි. (නමුත්) කවරහු (අල්ලාහ්ව) විශ්වාස කරන්නෝද, යහකම් කරන්නෝද, සත්‍යය මගින් එකිනෙකාට උපදෙස් කර ගන්නෝද, එකිනෙකා අතර ඉවසීම කෙරෙහි උපදෙස් කරගන්නෝද යන අය හැරය” (කුරානය 103).

මුහම්මද් සල්ලල්ලාහු අලෛහි වසල්ලම් තුමා ඔහුගේ අනුගාමිකයින්ට පවසා ඇති උපදේශයකින් කාලයේ වටිනාකම තවත් හොඳින් තේරුම් ගත හැකි වන්නේය.

“විනිශ්චය දිනයේදී අසනු ලබන ප්‍රශ්න හතරකට පිළිතරු දෙන තුරු සෑම කෙනෙකුවම එම ස්ථානයේ නවතා තබනු ඇත. ඒවා කවරේද යත්, මිනිසාගේ ජීවිතය සහ එය කුමන අන්දමකින් ගතකළේද, ඔහුගේ තරුණ කාලය සහ එය ගත කළේ කෙසේද, ඔහු වස්තුව හම්බ කළේ කෙසේද එය වැය කළේ කෙසේද, ඔහුගේ දැනුම සහ එම දැනුමෙන් කුමක් කලේද යන කරුණුය” 

ඉහත පෙන්වා දුන් කරුණු හොඳින් තේරුම් ගන්නේ නම් තමන්ගේ වටිනා කාලය නිසි ලෙස කළමනාකරණය කර ගනු නො අනුමානය. එවිට තමන්ට වැඩියෙන් ප්‍රයෝජනවත් වන දේවල් වෙනුවෙන් වැඩි වේලාවක් ද තමන්ට පාඩුවක් විය හැකි දේවල් වලින්වැලකි සිටීමටද ක්‍රියා කරනු ඇත.
නුතන සමාජන තමන්ගේ ජිවිතයෙන් විශාල කාලයක් ගත ක‍රන්නේ මුහුණු පොතේ වීම ඉතා කනගාටුදායක තත්වයකි. සැබවින්ම ‘මුහුණු පොත’ නුතන මිනිසාගේ කාලය සොරා ගන්නා මෙවලමක් වී ඇත. ඇතැමුන් නින්දට යන්නේද මධ්‍යම රාත්‍රියත් පසුවය. ඉන් ඔවුන්ගේ ශාරීරික සෞඛ්‍යයට හානිදායක විය හැකිය. මේ නිසා බොහෝ අයට නිසි අධ්‍යාපනයක් ලැබීමටද තිබෙන මග ඇහිරී යන්නේය. කෙසේ වෙතත් තම ආගමික කටයුතු, අධ්‍යාපනය මෙන්ම අනෙක් වැදගත් දේවල් සඳහා සීමාවන් ඇති කරගන්නේ නම් ජීවිතය ජය ගැනීමට හැකි වනු ඇත.

By Fasy Ajward, B.Sc(Sp.Phy)Hons.J.Pura,
Ex.Research officer at former Ceylon Institute of Scientific and Industrial Research.

Related Posts

  • “ෂියා” දහම දැනගනිමු – 1January 23, 2017 “ෂියා” දහම දැනගනිමු – 1 (0)
    මෑතක සිට ලංකාව තුළත් කලක පටන්  අනෙකුත් රටවල්වලත් ‘ෂියා’ දහම පිළිබඳ නිවැරදි අවබෝධයකින් තොර වූ ව්‍යාකුලත්වයක් දක්නට ඇත. එහෙයින් ඒ පිළිබඳ කරුණු පැහැදිලි කිරීමක් ඉදිරිපත් කිරීම කාලෝචිත හා […]
  • සත්ව කරුණාව සහ ඉස්ලාම් දහම (Kindness to Animals in Islam)October 18, 2017 සත්ව කරුණාව සහ ඉස්ලාම් දහම (Kindness to Animals in Islam) (0)
    මිනිසාට පමණක් නොව සතා සිව්පාවන්ට මෙන්ම ගස් කොටන්වලටත් හානි නොකරන ලෙස ඉස්ලාම් දහමින් උගන්වා ඇත. යුද්ධයකදී පවා ඊට සම්බන්ද නොවන කාත්තාවන්, ළමයින්, මහල්ලන්, සිව්පාවන් ඇතුළු ගස්කොලන් වලට හානි […]
  • මරණින් මතු ජීවිතය!January 1, 2017 මරණින් මතු ජීවිතය! (0)
    සෑම දහමක්ම මරණින් මතු ජිවිතයක් ගැන විශ්වාස කරයි. මරණින් මතු ජිවිතය සත්‍යය බව පිලිගැනිමට අවශ්‍ය වන සහේතුක සාධක  කිහිපයක්  ඇත්තේය. අප මෙම ලිපිය ආරම්භයේදි  සාකච්ඡා කළ පරිදි සදාචාරය මිනිසාට […]
  • මාංශ ආහාර අකැපද?May 29, 2013 මාංශ ආහාර අකැපද? (0)
    ප්‍රාණ ඝාතනය ගව ඝාතනයට පමණක් සීමාවීම තුළින්ම මෙය ප්‍රායෝගික නොවන සංකල්පයක් බවට ඔප්පුවී ඇත. ඉස්ලාම් ප්‍රායෝගිකවූ ජීවන සැලැස්මක් බවට මේතුළින්ද ඔප්පුවේ. කැමරාකරණය හා සංස්කරණය: අල්තාෆ් […]
  • අල්කුර්ආනයේ සඳහන් දූතවරුන් සම්බන්ධව මෙළොව ඇති ෛඑතිහාසික සාධක!May 1, 2012 අල්කුර්ආනයේ සඳහන් දූතවරුන් සම්බන්ධව මෙළොව ඇති ෛඑතිහාසික සාධක! (0)
    පරිවර්තනය: නිස්තාර් - ගම්පළ සර්ව බල සම්පන්න අල්ලාහ්, මුළු විශ්වයේම නිර්මාතෘවරයා හා පෝෂකයා වේ. මුළු මානව සංහතියම ඇදහිය යුත්තේ තම මැවුම්කරුවාටය. නමුත් අවාසනාවකට මෙන් එම යථාර්ථය බහුතරයක් […]
  • ස්වාමි පුරුෂයා බිරිඳගේ ජනාසාව (දේහය) ස්නානය කරවීමMarch 14, 2011 ස්වාමි පුරුෂයා බිරිඳගේ ජනාසාව (දේහය) ස්නානය කරවීම (0)
    ප්‍රශ්නය: ස්වාමි පුරුෂයාට බිරිඳගේ ජනාසාව (දේහය) ස්නානය කරවන්නට හැකි ද? රිස්වාන් අස්වර්... පිළිතුර: පිරිමීන්ගේ දේහය පිරිමීන් විසින්ද, කාන්තාවන්ගේ දේහය කාන්තවාන් විසින් ද ස්නානය කර විය […]

March 9, 2017 · ෆාසි අජ්වාඩ් · One Comment
Tags: ,  · Posted in: විවිධ

One Response

  1. Sampath Katuwana - March 11, 2017

    this is very good, please keep continue.

    Assalamu Alaikum

Leave a Reply