| Home | Contact Us |

අපේ වෙබ් අඩවියට ඔබ සැම ඉතා සාදරයෙන් පිළිගනිම

Print This Post Print This Post Email This Post Email This Post 275 views

පශ්චාත්තාපය පිළිගනු ලැබීමට පවතින කොන්දේසි මොනවාද?

කතුවරයා/දේශකයා: on 31st May 2017

1- ඔහු කළ පාපයෙන් ඉක්මනින් මිදී අල්ලාහ්ගෙන් සමාව අයදිය යුතුය.

2- ඔහු කළ පාපය වෙනුවෙන් පසුතැවිලි වී දුක්වී අල්ලාහ්ගෙන් සමාව අයදිය යුතුය.

3- කිසි විටක එම පාපය යළි නොකරමි යන ස්ථීර අධිෂ්ඨානයෙන් යුතුව අල්ලාහ්ගෙන් සමාව අයදිය යුතුය.

4- අන් අයගේ අයිතීන් පැහැරගෙන තිබුනේ නම් එය යළි ඔවුන්ට ලබා දිය යුතුය. නැතහොත් ඒ වෙනුවෙන් අදාල අය සමග සම්බන්ධ වී එයින් නිදොස් විය යුතුය.

කෙනෙකුගේ මරණ මංචකය යනු සමාවේ දොරටු වසනු ලබන අවස්ථාවයි. කෙනෙකු සිය පාපයන්ට සමාව නොඅයද ප්‍රමාද කිරීම යනු ෂෙයිතාන් අටවන භයානක උගුලකට හසුවීමයි. එබැවින් ඔහුගේ උගුලට හසු නොවී අපි ඉතා ඉක්මනින් පාපයන්ගෙන් මිදී අල්ලාහ්ගෙන් සමාව අයදිය යුතුය. අපේ මරණය කුමන අවස්ථාවේ, කුමන තත්වයේ, කුමන් ස්ථානයේ යනු අපි කිසිවක් නොදනිමු. අපි ඊට පෙර පාපයන්ගෙන් පිවිතුරු විය යුතුය.

සැබවින්ම අල්ලාහ්ගේ දෑත දිවා රෑ නොබලා විවෘතව පවති. වැරදි කරන්නන්ට සමාව පිරිනැමීම සදහා හිරු බටහිරින් උදාවන තෙක් මෙය සිදුවෙමින් පවති යනුවෙන් නබි (සල්) තුමන් පැවසූහ (මූලාශ්‍රය මුස්ලිම්).

මෙතරම් අවස්ථා පිරිනැමීමෙන් පසුවද කෙනෙකු සිය පාපයන්ට සමාව ලබාගත්තේ නැත්නම් ඔහු තරම් අභාග්‍යයවන්තයෙකු සිටීද?

පිවිතුරු සිතින් තමන් කළ  සියළු වැරදි වෙනුවෙන් අල්ලාහ්ගෙන් සමාව අයද යහපත් පුද්ගලයකු බවට පත්විය යුතුය. ඒ වෙනුවෙන් උදාවි ඇති මෙම පින්බර රමළාන් සමය අවස්ථාව කරගනිමින් ක්‍රියා කරමු.

ශුද්ධවූ අල්කුර්ආනයෙහි මෙම වැකි හොදින් සිතට ගන්න:

“ඔබගේ හිමියන්ගේ සමාව කරා ඉක්මන්වන්න” (ශු අල්කුර්ආනය 3: 133).

“කවුරුන් සමාව නොඅයද සිටීයේද ඔවුනුයි අපරාධ කරුවන්වන්නේ”  (ශු අල්කුර්ආනය 49: 11).

“අල්ලාහ් හැර පාපයන්ට සමාව පිරිනමන්නන් වෙන කවුරුන් හෝ සිටින්නේද?” (ශු අල්කුර්ආනය 3: 135).

“අල්ලාහ් ඔබට සමාව, ඔහුගේ භාග්‍යය පොරොන්දු වෙයි” (ශු අල්කුර්ආනය 2: 268).

අල්ලාහ් ඔහුගේ ස්වර්ගය කරා හා සමාව කරා කැදවයි (ශු අල්කුර්ආනය 2:221).

“අල්ලාහ් සිය දාසයාගේ පශ්චාත්තාපය පිළිගනී තවද ඔහුගේ වැරදි සමා කරයි” (ශු අල්කුර්ආනය 42: 25)

“විශ්වාසවන්තයිනි ඔබලා  සියල්ලන් අල්ලාහ්ගෙන් සමාව අයදින්න ඔබ ජයග්‍රහණය කරනු ඇත” (ශු අල්කුර්ආනය 24: 31)

“පාපිෂ්ටයිනි! අල්ලාහ්ගේ දයාව පිළිබද අවිශ්වාසයෙන් නොපසුවන්න අල්ලාහ් සියළු පාපයන් සමා කරයි” (ශු අල්කුර්ආනය 29: 53).

“සමාව අයදින්නන්ව අල්ලාහ් ප්‍රිය කරයි” (ශු අල්කුර්ආනය 2: 222).

“අල්ලාහ් ඔබලාට සමාව පිරිනැමීම ඔබලා ප්‍රිය නොකරන්නේද?” (ශු අල්කුර්ආනය 24: 22).

By Abu Asma

www.yayuthumaga.com

Related Posts

  • “ෂියා” දහම දැනගනිමු – 1January 23, 2017 “ෂියා” දහම දැනගනිමු – 1 (0)
    මෑතක සිට ලංකාව තුළත් කලක පටන්  අනෙකුත් රටවල්වලත් ‘ෂියා’ දහම පිළිබඳ නිවැරදි අවබෝධයකින් තොර වූ ව්‍යාකුලත්වයක් දක්නට ඇත. එහෙයින් ඒ පිළිබඳ කරුණු පැහැදිලි කිරීමක් ඉදිරිපත් කිරීම කාලෝචිත හා […]
  • කි‍්‍රස්තියානි මුස්ලිම් සංවාදයක්- 03July 1, 2007 කි‍්‍රස්තියානි මුස්ලිම් සංවාදයක්- 03 (0)
    කි. බැ: එහෙත්, මම කැමති ආගමක් පිළිගැනීමට මට අයිතියක් තිබෙනවා. එම අයිතිය මගෙන් පැහැරගන්නට කිසිවෙකුට බැහැ. එයින් මා වළක්වන්නට ද කිසිවෙක් ශක්තිමත් වන්නේ නැහැ. මුස්: එය සම්පූර්ණ ඇත්තක් ආගම […]
  • අත්තහියියාත් ඉරියව්වේදී කිව යුතු ප්‍රාර්ථනා!March 9, 2017 අත්තහියියාත් ඉරියව්වේදී කිව යුතු ප්‍රාර්ථනා! (0)
    කැමරාකරණය හා සංස්කරණය: අල්තාෆ් ෆාරුක් නිෂ්පාදනය: අල් අහ්සා කැඳවීමේ […]
  • මිනිසා යනු කවරෙක්ද? – 06June 5, 2011 මිනිසා යනු කවරෙක්ද? – 06 (0)
    සකස්කිරීම:ඉබ්නු මන්සූර් පරිනාමවාදය ලෝකයාට ඉදිරිපත් කළේ චාල්ස් රොබට් ඩාවින් විසිනි. 1832 දී එච්.එම්. එස්. බීගල් නෞකාවෙන් බ්‍රිතාන්‍යයෙන් පිටත්ව ගිය ඩාවින් පුරා වසර පහක් තිස්සේ විවිධ […]
  • සතුරන් විසින් පවා ඇගයීමට ලක්වූ එම උතුම්වූ චරිතය කවුද?November 28, 2011 සතුරන් විසින් පවා ඇගයීමට ලක්වූ එම උතුම්වූ චරිතය කවුද? (0)
    ඉබ්නු අබ්බාස් (රලි) තුමා මෙසේ විසතර කරයි: (කුරෙයිෂ්වරැන්ගේ ප‍්‍රධානියා වන) අබූ සුෆ්යාන් බින් හර්බ් සමග හා කුරෙයිෂ් මිථ්‍යා  දෘෂ්ටිකයින් සමග නබි (සල්) තුමාණෝ (හුදෙයිබියා නමි ස්ථානයේදී) […]
  • විශ්වාසවන්තයින් වෙනුවෙන් අති ශ්‍රේෂ්ඨ වූ දේව දූතවරුන් කරන ප්‍රාර්ථනා!September 19, 2016 විශ්වාසවන්තයින් වෙනුවෙන් අති ශ්‍රේෂ්ඨ වූ දේව දූතවරුන් කරන ප්‍රාර්ථනා! (0)
    "අර්ෂ(පරමාසන)ය උසුලන්නාවූ අයද, ඒ වටා සිටින අයද තම රබ්(පරමාධිපති)ගේ ප‍්‍රශංසාවේ ගුණ ගයමින් ඔහු සුපිවිතුරු කරති. ඔහු ගැන විශ්වාස කරති. අපගේ පරමාධිපතියාණෙනි, ඔබ ඔබගේ පරම දයාවෙන් සහ […]



coded by nessus

May 31, 2017 · අබූ අස්මා · No Comments
Tags: , ,  · Posted in: අනගි ප‍්‍රාර්ථනාවන්, විවිධ

Leave a Reply