| Home | Contact Us |

අපේ වෙබ් අඩවියට ඔබ සැම ඉතා සාදරයෙන් පිළිගනිම

Print This Post Print This Post Email This Post Email This Post 107 views

ඉස්ලාම් දහම සහ ජ්‍යෝතිෂය (Astrology and Islam)

කතුවරයා/දේශකයා: on 10th July 2017

ජෝතිෂ්ශාස්ත්‍රයේ ඉතිහාසය ක්‍රි.පු.2000 තරම් පැරණිය. එම ශාස්ත්‍රය විශේෂයෙන්ම ඉන්දියානුවන්, චීන්නුන්, සහ මායා වරුන් අතර ප්‍රචලිතව තිබී ඇත. පසුකාලීනව බැබිලෝනියාව, මෙසපොතේමියාව, ග්‍රීසිය රෝමය වැනි රටවල් දක්වා එය පැතිර ගොස් තිබේ. කෙසේ වෙතත් නවීන විද්‍යාවේ දියුණුව හමුවේ ජ්‍යෝතිශ්ශාස්ත්‍රය විශාල පසුබෑමකට ලක් වී ඇත. ඊට ප්‍රධාන හේතුව ග්‍රහවස්ත්තු වල බලපෑම හේතුවෙන් මිනිසාගේ දෛවය කියවිය හැකි විද්‍යාත්මක ක්‍රමයක් සොයාගෙන නොතිබීමය.දාහත්වන සතවර්ෂයේ අගභාගය වන විට තාරකා විද්‍යාඥයින් සහ භෞතික විද්‍යාඥයින් විසින් ජ්‍යෝතිශ්ශාස්ත්‍රයේ කියැවෙන කරුණු ප්‍රශ්න කිරීම් වලට ලක් කොට තිබේ. මෙම ප්‍රශ්න කිරීමෙන් පසු ජ්‍යෝතිශ්ශාස්ත්‍රයට තිබුණු ශාස්ත්‍රීය මෙන්ම සෛද්දාන්තික වටිනාකම ගිලිහීමට හේතුවක් වී ඇත. එපමණක් නොව නුතන විද්‍යාවේ දියුණුවත් සමග මිනිසුන් අතර ජ්‍යෝතිශ්ශාස්ත්‍රය පිළිබඳව තිබුණු විස්වාසය බොහෝ දුරට හීන වී තිබේ. නවීන විද්‍යාවෙන් ජ්‍යෝතිශ්ශාස්ත්‍රය මිනිසාගේ අනාගතය ගැන කිව නොහැකි දෙයක් ලෙස ප්‍රතික්ෂේප කොට ඇත. ග්‍රහවස්තුවලින්ගේ පිහිටීම අනුව මිනිසාගේ දෛවය දැනගත හැකි විද්‍යාත්මක ක්‍රමයක් මෙතෙක් සොයාගෙන නොමැත. කෙසේ වෙතත් ජෝතිෂ්ශාස්ත්‍රය පිළිබඳව පර්යේෂණ කළ යුතුව තිබෙන්නේ ඇතැමුන් හේතු රහිතව ජෝතිෂ්ශාස්ත්‍රය විස්වාස කරන නිසාය.

අල්-කුරානයට අනුව ග්‍රහ වස්තුන් සියල්ලම අල්ලාහ්ගේ මැවීම් වන්නේය. ඒවායින් කිසිවෙකුගේ දෛවය වෙනස් කළ නොහැකිය. ඒවා  ගමන් කරන්නේ ඒවාට නියම කොට ඇති ගමන් මාර්ගවලය. ඒවායේ ගමන් මාර්ගය බලා කිසිවෙකුගේ දෛවය කියවිය නොහැකිය. කෙසේ වෙතත් මිනිසාගේ ශරීරයට ඒවායින් ඇතැම් භෞතික බලපෑම පමණක් ඇතිවිය හැකිය. උදාහරණයක් වශයෙන් කිවහොත් සුර්ය තාපය නිසා රශ්නය දැනිය හැකිය.

නබිතුමා ජිවතුන් අතර සිටියදී ඔහුගේ පුත් ඉබ්‍රාහිම් මිය ගොස් ඇත. ඊට සමපාතිකව සුර්යග්‍රහණයක්ද සිදු වී තිබේ. එය දැකීමෙන් ඇතැම් සහාබාවරු එම සිදුවීම නබිතුමාගේ දරුවාගේ වියෝව නිසා ඇතිවූ දෙයක් ලෙස වරදවා තේරුම් ගෙන ඇත. එවිට නබිතුමා පවසා ඇත්තේ කිසිවෙකුගේ ඉපදීම නිසා හෝ වියෝව නිසා හෝ සුර්යග්‍රහණයක් හෝ චන්ද්‍රග්‍රහණයක් සිදු නොවන බවයි.

ඉස්ලාම් දහමින් ජ්‍යෝතිශ්ශාස්ත්‍රය තරයේ ප්‍රතික්ෂේප කරන්නේය. තවද ඉස්ලාම් දහම අනුව ජෝතිෂ්‍ය විස්වාස කිරීම සපුරා තහනම් ක්‍රියාවකි. එපමණක් නොව මුස්ලිම්වරයෙක් විසින් ජෝතිශ්‍යවේදියෙකු හමුවී අනාගතය පිළිබඳව කරුණු විමසීම දෙවියන්ට සමානයන් තැබීම (ශිර්ක් කිරීම)  තරම් විශාල වරදකි. යම් මුස්ලිම්වරයෙක් අනාගතය දැනගැනීම සඳහා ජ්‍යෝතිශ්ශාස්ත්‍රවේදියෙකු හමුවීමට ගියේ නම්, ඔහු එම අනාවැකි විස්වාස කලත් නොකලත් ඔහුගේ සලාතය දින හතළිහක් ප්‍රතික්‍ෂේප වන්නේය (සහිහ් මුස්ලිම් 5440). අල්-කුරානයට අනුව අනාගතය පිළිබඳ ඥානය ඇත්තේ අල්ලාහ්ට පමණි. ඒ අනුව මුස්ලිම්වරයෙකු ජ්‍යෝතිශ්ශාස්ත්‍රවේදියෙකු පවසන දේ ළිගන්නේ නම් කාෆිර්වරයෙකු නොහොත් ඉස්ලාම් දහමින් බැහැර වූ කෙනෙකු බවට පත් වන්නේය (සුනන් අබු දාවුද් 3895).

By Fasy Ajward.B.Sc(Sp,Phy)Hons.J.pura.

Ex: Research officer at Ceylon Institute of Scientific and Industrial Research.

Related Posts

  • මුස්ලිම් ආගමික ස්ථානවල සිදුවන්නේ කුමක්ද?April 9, 2017 මුස්ලිම් ආගමික ස්ථානවල සිදුවන්නේ කුමක්ද? (0)
    සැකසුම: මව්ලවි මුර්ෂිඩ් මුලෆ්ෆර් මව්ලවි මාහිර් රම්ඩීන් මව්ලවි ඉර්ෂාද් හිල්මි මව්ලවි නු:මාන් උමර් සහෝදර මොහොමද් දහ්ලාන් සහෝදර අයාස් සාලිහ් ප්‍රකාශනය: සමස්ත ලංකා […]
  • දේව සංකල්පය මිථ්‍යාවක්ද-1 ?January 21, 2009 දේව සංකල්පය මිථ්‍යාවක්ද-1 ? (0)
    මෙලොවට පැමිණුනු හැම ශාස්තෘරවයෙකුගේම ප්‍රචාරයෙහි මූලික තේමාව හා දර්ශනය ඒක දේවත්වයයි. බහු දේවවාදය ප්‍රතිෙක‍ෂ්පකරමින්, මිනිසා, ගස්, ගල්, ප්‍රතිමාවන් ඉදිරියේ නොවැටි එකම බලය එකම ශක්තිය එකම […]
  • මරණින් මතු ජීවිතයJanuary 20, 2010 මරණින් මතු ජීවිතය (0)
    මරණින් මතු ජීවිතයක් ඇත්දැයි යන ගැටළුව විද්‍යාත්මක නිගමනයකට අදාළවූවක් නොවේ. හේතුව විද්‍යාව මගින් කෙරෙන්නේ ඉන්ද්‍රියයන්ට විෂය වූ දත්තයන් විෂ්ලේෂණය කිරීම පමණි. එපමණක් ද නොවේ. නූතන වහරින් […]
  • ශාස්තෘවරුන්ගේ අවශ්‍යතාවයFebruary 7, 2010 ශාස්තෘවරුන්ගේ අවශ්‍යතාවය (0)
    දූත සංකල්පය පිළිගැනීම ඉස්ලාම් දහමෙහි මූලික විශ්වාසයන් අතුරින් එකකි. මෙම සංකල්පයෙහි හරයවන්නේ සැබෑ දේවමග පෙන්වීම වේ. මානව සංහතියට අල්ලාහ් විසින් අනාවරණය කරන ලද මාර්ගෝපදේශය හඳුන්වාදී, එය […]
  • දේවවාදය සහ අදේවවාදය (Theism and Atheism}April 24, 2017 දේවවාදය සහ අදේවවාදය (Theism and Atheism} (0)
    මිනිසාගේ විශ්වාසයන් ප්‍රධාන වශයෙන් කොටස් දෙකකට වෙන්කළ හැකිය. එකක් දේවවාදය අනෙක අදේවවාදයි. දේවවාදියා ඔහුගේ විශ්වාසය තහවුරු කර ගැනීමට අවශ්‍ය කරුණු ඉදිරිපත් කලත් අදේවවාදියා දෙවියන් නැතැයි […]
  • දෙවිඳුන් සර්වකාලීන වන්නේ ඇයි? (Why Allah is eternal?)July 10, 2017 දෙවිඳුන් සර්වකාලීන වන්නේ ඇයි? (Why Allah is eternal?) (0)
    විශ්වය ඇතුළු සෑම වස්තුවකටම ආරම්භයක් සහ අවසානයක් ඇත. එය විශ්ව සත්‍යයකි. ඒවාට ආරම්භයක් ඇතිවීමට නම් ඒවා කෙරෙහි යම් බාහිර බලයක් ක්‍රියා කළ යුතුය. එයද විශ්ව සත්‍යයකි. එහෙත් විශ්වයේ මැවුම්කරු […]

July 10, 2017 · ෆාසි අජ්වාඩ් · One Comment
Tags: , ,  · Posted in: ප‍්‍රතිපත්තිය

One Response

  1. Sampath - July 19, 2017

    ජෝතිෂ්ශාස්ත්‍රයේ ඉතිහාසය ක්‍රි.පු.2000 තරම් පැරණි නම් ග්‍රහයන් නමදෙනා පිලිබඳ දැනුම ආවෙ කොහොමද? telescope හොයාගත්තේ මේ ලඟදි. දියුණු විධ්‍යවක් ඒකාලෙ තිබුනද කියල සැකයක් මතු වෙනව. කරුණාකරලා දන්න කෙනෙක්ට කියන්න පුලුවන්ද?

Leave a Reply