| Home | Contact Us |

අපේ වෙබ් අඩවියට ඔබ සැම ඉතා සාදරයෙන් පිළිගනිම

Print This Post Print This Post Email This Post Email This Post 86 views

දෙවියන්ගේ දයාව (The Mercy of God)

කතුවරයා/දේශකයා: on 7th January 2018

කිසිවෙකු අල්ලාහ්ගේ දයාව ගැන බලාපොරොත්තු නැති කර ගත යුතු නැත. ඔහු සෑම මැවීමකටම උපරිමයෙන්ම කරුණාව දක්වන්නේය. එම හේතුව නිසාම බෙහෙවින් වැරදි කරන්නන්ගේ උවමනාවන් පවා ඔහු ඉටුකර දෙන්නේය. තවද වැරදි කරන අයට මරණය දක්වාම සමාව ගැනීමට ඉඩ ලබා දී ඇත.

කෙසේ වෙතත් මෙලොවදී වැරදි කරන ඇතැමුන්ට දෙවියන් දඬුවම් කරනු ලබන්නේ ඔවුන් කරන වැරදි තේරුම් ගෙන නිවැරදි මාර්ගයට පිවිසීම සඳහාය. ඉන් ප්‍රයෝජනයක් නොලබන්නේ නම් එය ඔවුන්ගේ අවාසනාවකි. එසේ තිබියදී උඩඟු කමින් වැරැදි කරන සමහරුන්ට මෙලොවදී දඬුවම් ලැබීමට හෝ නොලැබීමට හැකිය. ඔවුන්ට හිමි දඬුවම් මරණයෙන් පසුව නියත වශයෙන්ම ලැබෙනු ඇත. ඇතමුන්ට කොතරම් වැරදි කළත් දඬුවම් නොලැබීම නිසා ඔවුන් සිතන්නේ තමන් නිවැරදි මාර්ගයේ ගමන් කරන බවයි. ඔවුන්ට හිමි දඬුවම් ප්‍රමාද වීම නිසා ඔවුන් මංමුලාවට පත් වෙති. ඒ අනුව මරණය දක්වාම ඔවුන් දෙවියන් වෙත හැරෙන්නේ නැත.

දෙවිඳුන්ගේ කරුණාව මවකගේ කරුණාවට වඩා හැත්තෑ වාරයකින් වැඩි බව නබිතුමා පවසා ඇත. මේ නිසා මිනිසා කොපමණ වැරදි කලත් මරණය දක්වාම සමාව ගැනීමට වරම් ලබා දී තිබේ. මරණය දක්වා දෙවියන්ව ප්‍රතික්ෂේප කරමින් සිටි කෙනෙක් මරණයට පෙර යම් මොහොතකදී දෙවියන්ගෙන් සමාව අයද සිටියේ නම් ඔහු එතෙක් කල් සිදු කළ සියළුම පව් වලට සමාව ලැබෙන්නේය.

මෙලොවදී දෙවියන් ඔහුගේ මැවීම් වලට කරුණාව පෙන්වා ඇත්තේ ඔහුගේ දයාවෙන් සියයෙන් එක් කොටසක් පමණි. අනෙක් සියයට අනු නවයම මරණයෙන් පසු පෙන්වීමට නියමිත බව නබිතුමා පවසා ඇත. ඒ අනුව දෙවියන්ව විශ්වාස කලත් වැරදි කරන අයට මරණයෙන් පසු බෙහෙවින් දෙවියන්ගේ කරුණාව ලැබීමට නියමිතය.

ඇමරිකාවේ සිදුවූ සත්‍ය සිදුවීමක් මෙහි සඳහන් කරන්නේ දෙවියන්ගේ කරුණාවේ තරම කියා පෑමටය. ඇමරිකානු යුද හමුදාවේ සේවය කළ ලෝරන්ස් බ්‍රවුන් මුලදී දෙවියන්ව විශ්වාස කොට නැත. වෘත්තියෙන් ඔහු ඇමරිකන් හමුදාවේ වෛද්‍යවරයෙක් විය. ඔහු දෙවියන්ගෙන් පමණක් නොව වෙනත් කිසිවෙකුගෙන්ද උදව් උපකාර බලාපොරොත්තු වු කෙනෙක් නොවේ. ඔහු විශ්වාස කළේ ඔහු ගැනම පමණි. එසේ තිබියදී දෛවයේ සරදමකට මෙන් ඔහුගේ බිරිඳ හදවත දුර්වල දරුවෙකු බිහි කළා ය. එම ළදරුවාගේ රෝගී තත්වය නිසාම ශරීරයෙන් අඩක්ම තද කළු පැහැ විය. මෙම අවස්ථාවේදී ඔහු කොතරම් නිර්භීතව සිටියත් අන්ත අසරණ විය. කිසිවෙකුට ඔහු පත්ව සිටින අවාසනාවන්ත තත්වයේදී උපකාර කිරීමට හැකියාවක් තිබුනේ නැත. මෙලෙස අන්ත අසරණ භාවයට පත්ව සිටි ඔහුට කළ හැකිව තිබුනේ ඔහු එතෙක් කල් විශ්වාස නොකළ දෙවියන්ගෙන් උදව් පැතීමට පමණි.

ලෝරන්ස් බ්‍රවුන්ගේ දරුවාට ප්‍රතිකාර කළ වෛද්‍යවරුන්ගේ මතය වුයේ එම දරුවා සුව කළ නොහැකි බවයි. එහෙත් ඔවුන් එම දරුවාට ශෛල්‍යකර්මයක් සිදු කිරීමට සැලසුම් කොට තිබුනේය. එසේ තිබියදී ලෝරන්ස් බ්‍රවුන් ඔහුගේ ජිවිතයේ මුල් වතාවට රෝහලේ පිහිටි නැමදුම් කාමරයට ගොස්, “අහෝ දෙවියනි!, සැබවින්ම දෙවිකෙනෙක් සිටින්නේ නම් මාගේ දරුවා සුවපත් කරනු මැනව, එසේ කලේ නම් මා ඔබ පෙන්වන ඕනෑම මාර්ගයක ගමන් කරම්යි” පවසා ඇත.

එම ප්‍රාර්ථනය සිදු කොට වැඩි වෙලාවක් ගත වීමට මත්තෙන් ඔහු ශල්‍යගාරය වෙත පිය නැගුවේය. එවිට ඔහුව පුදුමයට පත්කරමින් වෛද්‍යවරුන් පවසා ඇත්තේ දරුවාගේ හදවත සාමාන්‍ය පරිදි ක්‍රියා කරන බවයි. තවද එම වෛද්‍යවරු දරුවා සුවය ලැබීමට බොහෝ හේතු කාරණා පවසා ඇත. වෛද්‍යවරුන් කුමක් කීවත් සැබවින්ම එම දරුවාට සිදු වූයේ කුමක්දැයි ලෝරන්ස් බ්‍රවුන්ගේ සීත හොඳින් දන්නේය. එබැවින් එම මොහොත දක්වාම දෙවිකෙනෙකු විශ්වාස කොකළ ලෝරන්ස් යුදෙව් ආගම වැළඳ ගෙන තිබේ. එහෙත් ඉන් සෑහීමට පත් නොවූ ඔහු පසුව කිතුනු ආගමද ඉන් පසු බුදු දහමද වැළඳ ගෙන තිබේ. එම කිසිම ආගමකින් සෑහීමට පත් නොවූ ඔහු අවසානයේදී ඉස්ලාම් දහම වැළඳ ගෙන තිබේ. අදටත් ඔහු මුස්ලිම්වරයෙකු වන අතර ඔහු විසින් බොහෝ ඉස්ලාම් ග්‍රන්ථ රචනා කොට ඇත.

කිසිම කෙනෙකු නරකාදියේ දමා දඬුවම් කිරීම දෙවියන්ගේ අරමුණ නොවේ. එහෙත් යම් කිසිවෙකු මුරණ්ඩු කමින් වැරදි කරන්නේ නම් ඔහුට නිරය මිස වෙනත් තැනක් නැති බව දෙවියන් පුර්ව දැනුම් දීමක් සිදු කොට තිබේ. එය හොඳින් තේරුම් ගන්නේ නම් මරණයෙන් පසු ජීවිතය සමග සැසඳීමේදී සිහිනයක් බඳු මේ ජීවිතය නිසි පරිදි ගත කොට දෙවියන්ගේ කරුණාවට පත්‍ර වනු ඇත.

By Fasy Ajward.
B.Sc (Sp.Phy) Hons.J.Pura,

Ex: Research officer at Ceylon Institute of Scientific and Industrial Research.

Related Posts

  • “ෂියා” දහම දැනගනිමු – 1January 23, 2017 “ෂියා” දහම දැනගනිමු – 1 (0)
    මෑතක සිට ලංකාව තුළත් කලක පටන්  අනෙකුත් රටවල්වලත් ‘ෂියා’ දහම පිළිබඳ නිවැරදි අවබෝධයකින් තොර වූ ව්‍යාකුලත්වයක් දක්නට ඇත. එහෙයින් ඒ පිළිබඳ කරුණු පැහැදිලි කිරීමක් ඉදිරිපත් කිරීම කාලෝචිත හා […]
  • ඇතැම් අය අපාගත වන්නේ ඇයි? (Why some people go to hell?)May 14, 2017 ඇතැම් අය අපාගත වන්නේ ඇයි? (Why some people go to hell?) (0)
    ස්වර්ගයට යාමට තිබෙන මාර්ගය ඉතාමත් ම පහසුය. එහෙත් ඇතැම් අය පින්දහම් කලත් ස්වර්ගය නැති කරගන්නේය. මිට හේතු මොනවාදැයි මේ ලිපියෙන් විමසා බලමු. ඇතැමුන් දෙවියන්ව නොදකින නිසා විශ්වාස කරන්නේ නැත. […]
  • ස්වාමි පුරුෂයා බිරිඳගේ ජනාසාව (දේහය) ස්නානය කරවීමMarch 14, 2011 ස්වාමි පුරුෂයා බිරිඳගේ ජනාසාව (දේහය) ස්නානය කරවීම (0)
    ප්‍රශ්නය: ස්වාමි පුරුෂයාට බිරිඳගේ ජනාසාව (දේහය) ස්නානය කරවන්නට හැකි ද? රිස්වාන් අස්වර්... පිළිතුර: පිරිමීන්ගේ දේහය පිරිමීන් විසින්ද, කාන්තාවන්ගේ දේහය කාන්තවාන් විසින් ද ස්නානය කර විය […]
  • ශ්‍රේෂ්ඨ මිතුරෙකුගේ අවසන් හෝරාව!November 1, 2011 ශ්‍රේෂ්ඨ මිතුරෙකුගේ අවසන් හෝරාව! (0)
    ඉබ්නු ෂිමාසා (රලි) තුමන් විසින් දැනුම් දෙන ලදී. අම්රු බින් ආස් (රලි) තුමන්ගේ මරණාසන්න අවස්ථාවේ අපි එහි රැස්වී සිටියෙමු. ඒ අවස්ථාවේ එතුමා අධික වේලාවක් ඇඬුවේය. තම මුහුණද බිත්තිය දෙසට […]
  • ජේසුතුමා දෙවිකෙනෙක්ද? (Is Jesus God?)December 17, 2017 ජේසුතුමා දෙවිකෙනෙක්ද? (Is Jesus God?) (0)
    ජේසු තුමා දෙවිඳුන් ද නැද්දැයි බැලීමට කලින් දෙවියන් ගැන අර්ථ දැක්වීම කුමක්දැයි සලකා බැලීම ප්‍රයෝජනවත් ය. දෙවියන් ගැන සෑම ඒක දේවවාදී දහමකම විස්තර කොට ඇත්තේ විශ්වය මවා පාලනය කරන අති උත්තරීතර […]
  • සත්ව කරුණාව සහ ඉස්ලාම් දහම (Kindness to Animals in Islam)October 18, 2017 සත්ව කරුණාව සහ ඉස්ලාම් දහම (Kindness to Animals in Islam) (0)
    මිනිසාට පමණක් නොව සතා සිව්පාවන්ට මෙන්ම ගස් කොටන්වලටත් හානි නොකරන ලෙස ඉස්ලාම් දහමින් උගන්වා ඇත. යුද්ධයකදී පවා ඊට සම්බන්ද නොවන කාත්තාවන්, ළමයින්, මහල්ලන්, සිව්පාවන් ඇතුළු ගස්කොලන් වලට හානි […]

January 7, 2018 · ෆාසි අජ්වාඩ් · No Comments
Tags: , ,  · Posted in: විවිධ

Leave a Reply