| Home | Contact Us |

අපේ වෙබ් අඩවියට ඔබ සැම ඉතා සාදරයෙන් පිළිගනිම

Print This Post Print This Post Email This Post Email This Post 51 views

පිළිම වන්දනාව ඉස්ලාමයේ නොමැති වූවත් මක්කාවේ ඇති දේවස්ථානයට හා එහි ඇති ගලකට නැමදුම් කරන්නේ අැයි?

කතුවරයා/දේශකයා: on 11th February 2018

ලෝ වැසි මුස්ලිම් ජනයා තමන්ගේ නැමදුම් (සලාතය) සඳහා යොමු වන දිශාව වූ මක්කා නගරයේ පිහිටි ‘කාබා’ නමින් හැඳින්වෙන කළු රෙද්දකින් ආවරණය කොට ඇති චතුරශ්‍රාකාර ඉපැරණි මස්ජිදය පිළිබඳ ව ඇතැම් ඉස්ලාම් නොවන්නන් සිතන්නේ මුස්ලිම් ජනයා ඒ වෙත නැමදුම් කරන බවයි. මෙම වැරදි මතය පදනම් කරගනිමින් එය පිළිම වන්දනයට සමාන ක්‍රියාවක් ලෙස ඔවුන් සලකති. සත්‍යය වශයෙන් ම මුස්ලිම්වරුන් කරනුයේ ඒ දෙසට යොමු වී තම නැමදුම් ඉටු කිරීමයි. ඒ වෙත නැමදුම් කිරීමක් නොකරති. සියලු නැමදුම් විශ්වයේ නිර්මාතෘ මහා කාරුණික අල්ලාහ් වෙත පමණක් සිදු කිරීම ඉස්ලාමයේ ඉතා වැදගත් පිළිවෙතකි. 

“නුඹගේ මුහුණ ඇතැම් විට අහස දෙසට හැරවීම සැබැවින් ම අපි දකින්නෙමු. නුඹ ප්‍රිය කරන කිබ්ලා ව දෙස සැබැවින් ම අපි නුඹ ව හරවන්නෙමු. එහෙයින් නුඹගේ මුහුණ ශුද්ධ මස්ජිදය වෙත හරවනු. (ජනයිනි) නුඹලා කොතැනක සිටිය ද (සලාතයේ දී) නුඹලාගේ මුහුණු ඒ දෙසට හරවනු”. (අල් කුර්ආන් 2:144)

ඉහත අල් කුර්ආන් වැකිය ඉතා පැහැදිලි අයුරින් දන්වා සිටින්නේ සියලු ඉස්ලාමිකයින් ලොව කොතැන සිටියත් තම සලාතය ඉටු කරන අවස්ථාවේ යොමු විය යුතු දිසාව  මක්කාවේ පිහිටි මෙම මස්ජිදය බවය. සලාතය සඳහා නිශ්චිත දිසාවක් තිබීම හේතුවෙන් සියල්ල අතර එකමුතුකමකින් මෙම වැදගත් කාර්යය ඉටුකිරීමට හැකි ව ඇත. දෛනික ව පස්වතාවක් කළ යුතුව ඇති සලාතය සඳහා ඇරයුම් කිරීමේ ප්‍රකාශනය අරාබි බසින් ‘අසාzන්’ යැයි දැක්වේ. ආරම්භක යුගයේ අසාzන් පවසනු ලැබුවේ මෙම කාබාව මත සිටය. පිළිම වන්දනයෙහි යෙදෙන්නන් පවා එම පිළිම මත සිට කිසිදු ආගමික වතාවක් නොකරති. එලෙසම කාබා ව නැමදුම් ලබන්නක් නම් ඒ මත සිට අසාzන් පැවසීම නොකළ යුත්තකි. මෙසේ කිරීමෙනුත් පැහැදිලි වන්නේ කාබා ව වන්දනය හෝ නැමදීම සඳහා වූ ස්ථානයක් නොවන බවයි.

මෙම කාබා නමින් හැඳින්වෙන අති පෞරාණික මස්ජිදය මුස්ලිම් වරුන්ගේ හජ් හා උම්රා නම් වූ වැදගත් ආගමික කර්තව්‍යයන්හිදී ඉතා වැදගත් ස්ථානයක් ලෙස සැලකේ. මෙම කටයුතු දෙකෙහි ම එක් නිශ්චිත ස්ථානයකින් ආරම්භ කොට කාබා ව වටා හත්වරක් පැදකුණු කළ යුතු ව ඇත. මෙම ආරම්භක ස්ථානය සනිටුහන් කිරීම උදෙසා එහි කළු පැහැති ගලක් සවි කොට ඇත. මෙම ගල පිළිබඳ ඓතිහාසික විස්තරයක් ඇතත් එය නැමදුම් කරනු ලබන සංකේතයක් නොවන බව නිශ්චිත වශයෙන් ම පැවසිය යුතුව ඇත. හත්වරක් කාබා ව වටා පැදකුණු කිරීමේ දී මෙම කළු පැහැති ගල සිප ගැනීම, අතින් ඇල්ලීම හෝ එසේ කිරීමට නොහැකි නම් අතින් සංඥා කිරීම කරනු ලැබේ. මුහම්මද් තුමාණන්ගෙන් පසු ඉස්ලාමීය රාජ්‍යයේ දෙවෙනි පාලකයා වූ උමර් තුමා මෙම ගල සම්බන්ධයෙන් මෙවන් ප්‍රකාශයක් කොට ඇත.

“කිසිදු සැකයකින් තොරව එය ගලක් පමණි. එයට කිසිවෙකුට කිසිදු හානියක් හෝ යහපතක් කළ නොහැකිය. අල්ලාහ්ගේ ධර්ම දුතයාණන් එය සිප ගැනීම නුදුටුවා නම් මා එය සිප නොගන්නේය”. (සහීහ් බුහාරි)

ඉහතින් උපුටා දක්වා ඇති උමර් තුමාගේ ප්‍රකාශනය අනුව ‘හජ්ර් අල් අස්වද්’ නමින් හැඳින් වෙන මෙම කළු පැහැති ගල සහතික වශයෙන් ම ඉස්ලාමිකයින් කිසිදු ආකාරයක නැමදුම් කරනු ලබන සංකේතයක් නොවන බව පැහැදිලි වෙයි. නැවත වරක් අප විසින් ඉතා අවධාරණයෙන් පැවසිය යුතුව ඇත්තේ ඉස්ලාමීය ඉගැන්වීම් අනුව සියලු නැමදුම් මහා කාරුණික අල්ලාහ් වෙත පමණක් ම විය යුතුය. කිසිදු නිර්මාණයකට නැමදුම් නොකොට සියල්ලෙහි  නිර්මාතෘ වූ  සදාතනික මහා කාරුණික දෙවිඳුන්ට පමණක් නැමදුම් කිරීම ඉස්ලාමීය පිළිවෙතයි. මෙම විස්තර අනුව මුස්ලිම් නොවන ඇතැම් පිරිසකගේ සිත් තුළ ඇතිව තිබු ඉස්ලාමීය නැමදුම් පිළිවෙත පිළිබඳ වැරදි වැටහීම නිරවුල් හා නිවැරදි අයුරින් වටහා ගැනීමට උපකාරී වේ යැයි විශ්වාස කරන්නෙමු.

By එම්. අහ්මද් දහ්ලාන්්‍

www.yayuthumaga.com

Related Posts

  • ඉස්ලාම් තුළ කාන්තාවට හිමි වැදගත්කමJanuary 16, 2013 ඉස්ලාම් තුළ කාන්තාවට හිමි වැදගත්කම (0)
    වත්මන් සමාජය තුළ හුදු වාණිජ භාණ්ඩයක් බවට පත්ව සිටින කාන්තාවට ශත් වර්ෂ 14 කට පෙරම ඉස්ලාම් දිනා දුන් අයීතීන් වෙත මධ්‍යස්ථව ඔබේ අවදානය යොමු කරන්න. නිෂ්පාදනය: උනෙයිසා කැඳවීමේ […]
  • අල්-කුරානයට අනුව පෘථිවියේ හැඩය (The Quran and the shape of the earth)August 5, 2017 අල්-කුරානයට අනුව පෘථිවියේ හැඩය (The Quran and the shape of the earth) (0)
      පෘථිවිය ගැන අල්-කුරානයේ විවිධ කරුණු ඇතුලත් කොට ඇත. එම කරුණු වලින් බොහොමයක්ම මිනිසා දැනගත්තේ විසිවන සිය වසේදීය. කෙසේවෙතත් මෙම ලිපියේ අරමුණ පෘථිවියේ හැඩය සම්බන්දයෙන් ඇති කුර්ආන් […]
  • දෙමාපියන් හට කළයුතු යුතුකම්November 1, 2015 දෙමාපියන් හට කළයුතු යුතුකම් (0)
    අපරිමිත දයාන්විත අසමසම කරුණාන්විත අල්ලාහ්ගේ නාමයෙන් අල්ලාහ් විසින් මිනිසාව නිර්මාණය කරනු ලැබුවේ ඔහුට පමණක් වන්දනාමානය කිරීම සඳහාය. අල්ලාහ් විසින් පහළ කළාවූ අවසාන දේව ග්‍රන්ථය වන අල් […]
  • දෙමාපියන්ට අපෙන් විය යුතු යුතුකම්!December 5, 2016 දෙමාපියන්ට අපෙන් විය යුතු යුතුකම්! (0)
    අපරමිත දයාන්විත අසමසම කරුණාන්විත අල්ලාහ්ගේ නාමයෙන්. දස මසක් කුස දරාගෙන ලේ කිරි කර පොවා අපිව ලොකු මහත් කිරීමට අපමණ වෙහෙසක් දැරූ අපගේ මෑණියන් දිවා රෑ නොබලා මහන්සි වී අපට අවශ්‍ය සියල්ලම […]
  • ඔබ යන්නේ කොයිබටද??? (Whither Would You Go???)October 25, 2017 ඔබ යන්නේ කොයිබටද??? (Whither Would You Go???) (0)
    දුම්රිය පොලට ගිය මගියෙකුගේ කාර්‍ය භාරය විය යුත්තේ නියමිත දුම්රිය පැමිණෙන තුරු ඊට සුදානම් වෙමින් බලා සිටීමය. එසේම ලෞකික ජීවිතයේදී මිනිසාගේ කාර්‍ය භාරය විය යුත්තේද දෙවියන්ගේ කැඳවීම එන තුරු […]
  • “හජරුල් අස්වද්” (කළු ගල)December 1, 2015 “හජරුල් අස්වද්” (කළු ගල) (0)
    මෙය අපගේ මැවුම්කරු වූ අල්ලාහ් ස්වර්ගයේ සිට මෙලොවට පහළ කළ පාෂාණයක් වේ .. මක්කා නගරයේ මස්ජිදුල් හරාම් නම් ශුද්ධවූ සිද්ධස්ථානය අල්ලාහ් වෙනුවෙන් යාඥා කිරීම සදහා මෙලොව ස්ථාපිත කරන ලද මුල්ම […]

February 11, 2018 · එම්.අහ්මද් දහ්ලාන් · No Comments
Tags: , , ,  · Posted in: ප්‍රශ්න හා පිළිතුරු

Leave a Reply