Tag: දෙවියන්

වෙබ්ස්ටර් ශබ්ද කෝෂයට අනුව ආගම අර්ථ දක්වා තිබෙන්නේ: දෙවියෙකු හෝ දෙවියන්ගෙන් සමන්විත කණ්ඩායමක් ගැන විශ්වාස කිරීම, සංවිදානය කරන ලද විශ්වාස පද්දතියක්, උත්සව, දෙවියෙක් හෝ දෙවිවරු ඇදහීම සඳහා යොදා ගනු ලබන නීති පද්ධතියක්; පුද්ගලයෙකුගේ හෝ කණ්ඩායමකට වැදගත් වන ඇල්මක්, විශ්වාසයක් හෝ ක්‍රියාකාරී කමක් වශයෙනි. කෙසේ වෙතත් දෙවියන්ගෙන් ලැබුණු පණිවිඩයකින්ම මිස නිවැරදි දහම කුමක්දැයි මිනිසාට දැන ගත හැකි වන්නේ නැත.

පොදුවේ ගත් කල මිනිස් ක්‍රියාකාරකම්වලින් ස්වායත්තව සිදුවන දේවල් විස්තර කිරීම සඳහා ස්වභාව ධර්මය  යන පදය උපයෝගී කර ගන්නේය. එහෙත් කිසිවෙකු ස්භාවධර්මය ක්‍රියාත්මක වන්නේ කාගේ නියමයන් මත දැයි සොයා බලා නැත. මේ නිසා ස්වභාව ධර්මය යනු ඉබේ සිදුවන ක්‍රියා පටිපාටියක් ලෙස බොහෝ අය විශ්වාස කරති. ඇත්ත වශයෙන්ම ස්වභාව ධර්මය ගැන ගැඹුරින් අධ්‍යයනය කලේ නම් එම විශ්වාසය වැරදි බව තේරුම් ගත හැකිය.

මුස්ලිම්වරුන් නමදින්නේ විශ්වය සහ එහි ඇති සියළුම දේවල් මවා පාලනය කරන්නාවූ අල්ලාහු තආලා හට ය. ඔහු හැර නැමදීම සඳහා වෙනත් කිසිවෙකු නැති බව ඉස්ලාමිය ඉගැන්වීම වේ. ඒ අනුව අල්ලාහ්ට හැර වෙනත් කිසිවෙකුට නැමදීම බලවත් වරදක් වන්නේය.