දුකට හා පීඩාවට පත්වූ විට කිව යුතු ප්‍රාර්ථනා

وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ

2:155. නියතව අපි යම් තරමකින් බියෙන්ද, කුසගින්නෙන්ද, සම්පත්, ජීවිත හා පලදාව ආදියෙහි ඇතිවන අලාභ තුළින්ද ඔබලාව පරීක්ෂා කරන්නෙමු. (නබි!) ඉවසිලිවන්තයින්ට ඔබ සුබාරංචි පවසන්න!

الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ

2:156. ඔවුහු කවුරුන්ද යත්, තමන්ට කිසියම් විපතක් ඇතිවන විට ‘ඉන්නා ලිල්ලාහි වඉන්නා ඉලයිහි රාජිඌන්’ (නියතව අප අල්ලාහ්ටම අයත් වූවන්ය. තවද, අප ඔහු හමුවටම ආපසු යන්නන්) යැයි පවසන්නෝය.

أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ

2:157. එවැනි අයටම ඔවුන්ගේ ස්වාමියාගෙන් දායාදයන්ද, කරුණාවද ඇති වේ. 4යහමඟ ලැබූවන් ඔවුන්මය.

1- إِنَّا لِلَّهِ وَإِنَّا إِلَيْهِ رَاجِعُونَ

2- إِنَّا لِلَّهِ وَإِنَّا إِلَيْهِ رَاجِعُونَ اللَّهُمَّ أْجُرْنِى فِى مُصِيبَتِى وَأَخْلِفْ لِى خَيْرًا مِنْهَا.

නියතව අප අල්ලාහ්ටම අයත් වූවන්ය. ඔහු වෙතම නැවත යන්නෙමු. යා අල්ලාහ් මා විඳින මේ දුකෙන් මට යහපතක්ම සලසනු මැන. මෙයට වඩා යහපත් තත්ත්වයකට මා පත් කරනු මැන (විස්තර කරන්නේ උම්මු සලමා රලි තුමිය මුස්ලිම් 2165).

3- لاَ إِلَهَ إِلاَّ أَنْتَ سُبْحَانَكَ إِنِّي كُنْتُ مِنَ الظَّالِمِينَ

යා අල්ලාහ්) ඔබ හැර වෙනත් දෙවියෙකු නොමැත. ඔබ සුවිශුද්ධය. සත්‍ය වශයෙන් මම අපරාධ කරුවන්ගෙන් කෙනෙකු වීමි (අල් අන්බියාඃ 21: 87).

4- لاَ إِلَهَ إِلاَّ اللَّهُ الْعَظِيمُ الْحَلِيمُ لاَ إِلَهَ إِلاَّ اللَّهُ رَبُّ الْعَرْشِ الْعَظِيمِ لاَ إِلَهَ إِلاَّ اللَّهُ رَبُّ السَّمَاوَاتِ وَرَبُّ الأَرْضِ وَرَبُّ الْعَرْشِ الْكَرِيمِ.

නැමදුමට සුදුස්සා අල්ලාහ් හැර අන් කිසිවෙක් නැත. ඔහු අති උත්තමය කරුණාවන්තය. උත්තරීතර අර්ෂ්හි පරමාධිපති අල්ලාහ් හැර වෙනත් දෙවියකු නොමැත. තවද ගෞරවනීය අර්ෂ්හි පරමාධිපතිද මහපොළොවේ පරමාධිපතිද අහස්හි පරමාධිපතිදවූ අල්ලාහ් හැර වෙනත් දෙවියකු නොමැත. (විස්තර කරන්නේ අබ්දුල්ලාහ් ඉබ්නු අබ්බාස් රලි තුමන් බුහාරි 6346)

5- اللَّهُ اللَّهُ رَبِّى لاَ أُشْرِكُ بِهِ شَيْئًا

අල්ලාහ් අල්ලාහ්, මගේ රක්ෂිතයාණනි. ඔහුට මම කිසිවක් සම නොකරන්නෙමි. (විස්තර කරන්නේ අස්මාඃ බින්ත් උමෙයිස් රලි තුමිය අබූදාවුද් 1527)

6- اللَّهُمَّ رَحْمَتَكَ أَرْجُو فَلاَ تَكِلْنِى إِلَى نَفْسِى طَرْفَةَ عَيْنٍ وَأَصْلِحْ لِى شَأْنِى كُلَّهُ لاَ إِلَهَ إِلاَّ أَنْتَ

යා අල්ලාහ් ඔබේ කරුණාවට පතන්නෙමි. ඇසිපිය හෙළන තරම් සුළු වේලාවකට මගේ හැඟීම්වලට මා වහල් නොකරනු මැන. හෝ මට කැමැති අයුරින් කටයුතු කිරීමට ඉඩ නොදෙනු මැන. මගේ වැඩකටයුතු සියල්ල ක‍්‍රමානුකූලව සකස්කර දෙනු මැනව නැමදුමට සුදුස්සා ඔබ හැර අන් කිසිවෙක් නැත. (විස්තර කරන්නේ අබූ බක්රා රලි තුමන් අබූදාවුද් 5092)

7- اللَّهُمَّ إِنِّي عَبْدُكَ، وَابْنُ عَبْدِكَ، وَابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَدًا مِنْ خَلْقِكَ، أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجِلَاءَ حُزْنِي، وَذَهَابَ هَمِّي

තේරුමඃ යා අල්ලාහ් සත්‍ය වශයෙන්ම මා ඔබේ වහලෙකි. නුඹේ වහලෙකු හාවහලියකුගේ පුතෙකි. මගේ නළළේ ඉදිරි කෙස් රොද ඔබ අතේය. ඔබේ තීන්දුව මා කෙරෙහි ක‍්‍රියාත්මක වෙමින් පවතී. මට හිමි නීතිය එයයි. ඔබටම විශේෂවූ නම්වලින් මම ඇයැද සිටිමි. ඒවා විදහා පෙන්වන්නෙහිය. (විවිධ නම්වලින් හදුන්වා දෙන්නෙහිය) එසේත් නැත්නම් ධර්මයේ සදහන් කර ඇත. එසේත් නැත්නම් මැවූ සත්වයකුට උගන්වා හෝ සැඟවුන දේවල් දැන ගැනීමේ ඔබේ ඥානය මගින් ඔබ දන්නෙහිය. එවන් කුර්ආනය (දේව ධර්මය) මගේ හදවතේ වසන්තයක් හා ආලෝකයක් බවට පත්කර මගේ දුක හා ශෝකය නැති කරනු මැන. (විස්තර කරන්නේ අබ්දුල්ලාහ් ඉබ්නු මස්ඌද් රලි තුමන් අහ්මද්, 3712 )

8- اَللّهُمَّ لاَ سَهْلَ إِلاَّ مَا جَعَلْتَهُ سَهْلاَ وَأَنْتَ تَجْعَلُ الْحُزْنَ سَهْلاً إِذَا شِئْتَ

” යා අල්ලාහ් ඔබ කුමක් පහසු කරන්නේද එය හැර වෙන කිසිවක් පහසුවන්නේ නැත. ශෝකය (කරදරය) ද ඔබ හිතුවොත් නැති කළ හැක. (විස්තර කරන්නේ අනස් ඉබ්නු මාලික් රලි තුමන් ඉබ්නු හිබ්බාන් 974 ෂුඅයිබුල් අර්නඌත් මෙය සහීහ් යනුවෙන් පවසයි.)

9- لاَ حَوْلَ وَلاَ قُوَّةَ إِلاَّ بِاللَّهِ

අල්ලාහ්ගෙන් පිහිටෙන් තොර පාපයන්ගෙන් ඉවත්වීමට හෝ යහපත කිරීමට හෝ නොහැක. (විස්තර කරන්නේ අබූ මූසා රලි තුමන් බුහාරි 6384).

10- اَللَّهُمَّ إنِّي أعُوذُ بِكَ مِنْ جَهْدِ الْبَلَاءِ، وَدَرَكِ الشَّقَاءِ، وَسُوءِ الْقَضَاءِ، وَشَمَاتَةِ الْأَعْدَاءِ

දරාගත නොහැකි පීඩාවන් විනාශය ඇතිවීම නියමය විපාක සතුරන්ගෙන් ඇතිවන මානසික පීඩාවන්ගෙන් යා අල්ලාහ් මා ඔබෙන ආර්ක්ෂාව පතමි (විස්තර කරන්නේ අබූ හුරෙයිරා රලි තුමන් බුහාරි 6384 ).

11- حَسْبِيَ اللَّهُ وَنِعْمَ الْوَكِيلُ

‘

අල්ලාහ් අපට ප‍්‍රමාණවත්ය. තවද ඔහු වඩාත් යහපත් භාරකරුවෙකි. (විස්තර කරන්නේ අබ්දූල්ලාහ් ඉබ්නු අබ්බාස් රලි තුමන් බුහාරි 4564).

(ආල ඉම්රාන් 3: 173).

12- اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ وَالْعَجْزِ وَالْكَسَلِ وَالْبُخْلِ وَالْجُبْنِ وَضَلَعِ الدَّيْنِ وَغَلَبَةِ الرِّجَالِ

යා අල්ලාහ්, දුක, ශෝකය, නොහැකියාව, උදාසීනබව, මසුරුකම, නිවටකම හා ණය බරින් මිරිකීම යනාදියෙන් මාව ආරක්ෂා කරනමෙන් සත්‍යවශයෙන්ම ඔබෙන් ඉල්ලා සිටිමි. (විස්තර කරන්නේ අනස් ඉබ්නු මාලික් රලි තුමන් බුහාරි 5425)

අල්ලාහ්ගේ දූතවරයාගේ නමින් අධිකව සලවාත් පැවසීම දුක නැති කරයි පාපයන් සමා කරයි. (විස්තර කරනනේ උබෙයියි ඉබ්නු කඃබ් රලි තුමන් තිර්මිදි 2457).

අධිකව සුබ්හානල්ලාහි වබිහම්දිහි යන දික්රය පැවසීම හා අල්ලාහ්ට සුජූද් කිරීම. (අල්හිජ්ර් 15: 97, 98).

අල්ලාහ්ට බිය බැතිව ජීවත්වීම, ඔහු කෙරෙහි මුළුමනින් විශ්වාසය තැබීම, සමාව අයදිමින් ඔහු වෙත හැරීම, ඉවසීම හා සලාතය අල්ලාහ්ගෙන් ප්‍රාර්ථනා කිරීම, දාන මාන කිරීම, පාපයෙන් ඉවත්වීම දුක තුරන් වීමට හා දෙලොව ජයග්‍රහණය සඳහාවූ ප්‍රදාන හේතු කාරණා වේ.