ඉස්ලාම් යනු කුමක් ද? මුස්ලිම්වරු කවරහු ද?

By: අබූ අබ්දුල්ලාහ්

අරාබි භාෂාවෙන් ඉස්ලාම් යන්නෙහි තේරුම යටහත් ප්‍රකාශයයි. ආගමික නියමයන් අනුව පවතින සියලූ දේවල මැවුම්කරුවාණන් වන අල්ලාහ්ට යටත් වීමයි. ඔහු අල්ලාහ්ට කීකරු වීමට හා ඔහුගේ පණිවුඩකරුව අනුගමනය කිරීමට හා අල්ලාහ් හා ඔහුගේ පණිවිඩකරු විසින් ප්‍රතික්ෂේප කරන ලද දේවලින් ඈත් වීමට ප්‍රතිඥාවක් දී ඇත.

මෙම ප්‍රතිඥාව දීමෙන් පුද්ගලයෙකු මුස්ලිම් භක්තිකයෙකු වේ. අෂ්හදු අන්ලායිලාහ ඉල්ලල්ලාහ්, ව අශ්හදූ අන්න මුහම්මදර් රසූලුල්ලාහ්  (අල්ලාහ් හැර වන්දනීය වෙනත් කිසිවෙකු නැති බවට මම සහතික වෙමි. මහම්මත්තුමා (ඔහුට සමාදානය ලැබේවා) අල්ලාහ්ගේ පණිවිඩකරු බවට මම සහතික වෙමි.

මෙම ප්‍රතිඥාව දීමත් සමගම දැනුම සෙවීමට හා ආගම ඉගෙනීමට (ඩීන්) සහ දෙවියන් සතුටු වන ආකාරයේ ජීවිතයක් පිළිපැදීමට පටන් ගනී.

සාරාංශය

අපව මේ පොළවට එවා ඇත්තේ පරීක්ෂණයක් සඳහා බව අප තේරුම්ගත යුතුය. පොළව අපේ නිවස නොවේ. එය ගමනක් හා පරීක්ෂණ කාල පරාසයකි. අපේ නිවස  ලෝකයයි. අපගේ මැවුම්කරුගේ, අල්ලාහ්ගේ මුහුණ බැලීම දිව්‍යය ලෝකයේදී ලබන විශාලම සතුටයි. නමුත් අල්ලාහ් විසින් අපව තෝරාගෙන ඇත්තේ අල්ලාහ්ට පමණක් වැඳීමට පොළවෙහි ඉපදීමට ය. ඔහුගේ පණිවුඩය අපට ලැබෙන විට අප කෙතරම් සත්‍යවාදී ද හා සැබෑ ද යන්න අල්ලාහ් විභාග කරමින් සිටී.

අපගේ මරණින් පසු දෙවියන් අපව නැවත නැගිටවනු ඇත. ඔහුට බැරි ඇයි? කිසිම දෙයක් නැතිව ඔහු අපව මැවුයේ නම් ඔහුට නැවත අපගේ ජීවිතය ද ගෙන දිය හැකියි. ඔහු අප නැවත අවදි කරන්නේ අප ජීවිතය තුළ කළ සෑම ක්‍රියාවක් ම පිළිබඳ ප්‍රශ්න කිරීමට ය. අප ඔහුට යටහත් වූවා ද හා ඔහුගේ අණ අනුගමනය කළේ ද යන්න ඔහු ප්‍රශ්න කරයි. ඔව් නම් අපි අපේ සදාකාලික නිවසට එනම් දිව්‍යය ලෝකයට ඇතුළත් වෙමු. අප ඔහුගේ පණිවුඩය ප්‍රතික්ෂේප කොට ඔහුට යටහත් නොවී අපේ ආශාවන් අනුගමනය කළේ නම් අප නියත වශයෙන්ම ඔහුට උත්තර දිය යුතු වන අතර අපගේ වංකබවට දඬුවම් වශයෙන් අප අපායට දමනු ඇත.

“අපි ඔබව උත්පාදනය කළේ නියත වශයෙන්ම නිකරුණේ යයිද, ඔබ අප වෙත නැවතත් ගෙන එනු නොලබන්නෙහුය යයිද ඔබ ස්ථීර වශයෙන් අදහස් කරමින් සිටියෙහුද”? (ශු කුරාණය 16: 36).

මැවුම්කරුට පමණක් වඳින කවුරු වුවද ඔහුගේ හදවත විවේකයෙන් තැබේ. ප්‍රතික්ෂේප කරන කවරෙකු වුවද ඔහුට ලෝකයේ සෑමදේම තිබුණද, පීඩාකාරී ජීවිතයක් ගත කිරීමට සිදූවේ. එකම සතුට ලැබෙනුයේ හදවතින් ම වැඳීමෙන් පෝෂණය වීමෙන් හා අල්ලාහ් නම් එකම සත්‍ය දෙවියන්ගේ මතකය තුළින් පමණි. මෙම ලෝකයේදී හා ඉන් පසුව වන සාර්ථකත්වය එයයි.

“ඇත්තෙන්ම විශ්වාසය තබා සිටින්නන් ඔවුන්ය. (ඔවුන් ඉදිරියේ) අල්ලාහ්ගේ ශුද්ධ වූ නාමය මතක් කරනු ලැබුවහොත් ඔවුන්ගේ හෘදයන් සෑහීමට පත්වන්නේය”. (ශු කුරාණය 13 : 28)

“කවුරුන් හෝ මගේ හොඳ ඔවදන් ප්‍රතික්ෂේප කරන්නේද, ඔහුගේ ජීවිතය නියත වශයෙන්ම ඉතාමත් දූක් ගැහැටවලින් පිරි එකක් වශයෙන් තිබෙනු ඇත. විනිශ්චය දිනයේදි නම් අපි ඔහුව අන්ධයෙකු වශයෙන් නැගිටුවන්නෙමු. යයි පැවසුවේය. (එසේ විනිශ්චය දිනයේදී අන්ධයෙකු වශයෙක් නැගිට්ටවනු ලබන) ඔහු මගේ දෙවියනේ, ඔබ කුමක් නිසා මාව අන්ධයෙකු වශයෙන් නැගිට්ටෙව්වෙහිද? මෙලොවෙහි ඇස් පෙනෙන්නෙකු වශයෙන් සිටියා නොවෙද? යි විමසනු ඇත. (එයට) මෙසේ (අන්ධයෙකු වශයෙන්ම ඔබගේ කාරණාවන් සියල්ල තිබුණි). අපගේ ආයාවන් (සාක්ෂි, සාධක, කවි, පාඩම්, සංඥා, එළිදරව් ආදිය) ඔබ වෙත පැමිණියේය. ඔබ ඒවා (සැලකිල්ලෙහි නොතබා) අමතක කර දැමුවේය. ඒ අන්දමට අද දින නුඹවත් (සැලකිල්ලට නොගෙන) අමතක කරනු ලැබීය යයි පවසනු ඇත. එබැවින් කවුරුන් සීමාව ඉක්මවා තම දෙවියන්ගේ ආයාවන් විශ්වාස නොකර (සීමාව ඉක්මවා) කටයුතු කරන්නේද, ඔහුටත් මේ අන්දමටම අපි ඵලවිපාක දෙන්නෙමු. (ඔහුට ලැබෙන) පරලොව දඬුවම නම්, ඉතාමත් දරුණු හා ස්ථීරද වන්නේය. මොවුන්ට පෙර විසූ කොපමණදෝ සමූහයන්ව අපි විනාශ කර දැමුවෙමු යන කාරණාව මොවුන්ව ඍජු මාර්ගයෙහි ඇතුළු කලේ නැද්ද? (විනාශ වී ගිය) ඔවුන් වාසය කළ ස්ථානයන්ට සමීපයෙන්ම මොවුන්ද ගමන් කරන්නාහ. බුද්ධිය ඇති අයට නියත වශයෙන්ම එහි සාධකයන් බොහොමයක් ඇත. එක් කාල අවකාශයක් ගැන සඳහන් කරනු ලැබ ඇති ඔබගේ දෙවියන්ගේ පොරොන්දූව කලින්ම ඇතිවී නොතිබුණේ නම්, (ඒ අවස්ථාවේදීම) දඬුවම ඔවුන්ව අල්ලා ගනු ලැබ ඇත්තේය”. (ශු කුරාණය 20 : 124-127).

www.yayuthumaga.com