නබි ﷺ තුමන් හා එතුමන්ගේ මිතුරන් පිළිබඳ ප්‍රශ්න හා පිළිතුරු 100

ප්‍රශ්න හා පිළිතුරු 100ක්

1. නබි ﷺ තුමාණන්ගේ වංශාවලිය සඳහන් කරන්න.

පිළිතුර: එතුමාණන්ගේ නම මුහම්මද් බින් අබ්දුල්ලාහ් බින් අබ්දුල් මුත්තලිබ් බින් හාෂිම් බින් අබ්දු මනාෆ් බින් කුසය් බින් කිලාබ් ය.

2. නබි ﷺ තුමාණන්ගේ මවගේ වංශාවලිය සඳහන් කරන්න.

පිළිතුර: ඇය ආමිනා බින්ත් වහ්බ් බින් අබ්දු මනාෆ් බින් සුහ්රා බින් කිලාබ් බින් මුර්රා ය.

3. නබි ﷺ තුමාණන් උපත ලැබුවේ කවදාද සහ කුමන නගරයේද?

පිළිතුර: අලි වර්ෂයේ (යීදුල්-ෆීල් වර්ෂයේ), රබීඋල් අව්වල් මාසයේ සඳුදා දින මක්කාවේදී උපත ලැබූහ.

4. එම වර්ෂය “අලි වර්ෂය” ලෙස හැඳින්වූයේ ඇයි?

පිළිතුර: අබ්රහා අල්-හබෂි අලියෙකු සමඟ කඃබාව විනාශ කිරීමට උත්සාහ කළේ එම වර්ෂයේදී බැවිනි.

5. නබි ﷺ තුමාණන් තම තරුණ කාලයේ ජීවත් වූයේ කෙසේද?

පිළිතුර: ප්‍රසිද්ධ මතයට අනුව, එතුමාණන් තම මවගේ කුස තුළ සිටියදීම තම පියා මිය ගිය බැවින්, එතුමාණන් අනාථයෙකු ලෙස හැදී වැඩුණහ.

6. නබි ﷺ තුමාණන්ව හැදුවේ කවුරුන්ද?

පිළිතුර: එතුමාණන් තම පියා මිය යන විට තම මවගේ කුස තුළ සිටියහ. එතුමාණන්ව මුලින් එතුමාණන්ගේ සීයා වූ අබ්දුල් මුත්තලිබ් හැදූ අතර, පසුව එතුමාණන්ගේ පියාගේ සහෝදරයා වූ අබූ තාලිබ් හැදුවේය.

7. නබි ﷺ තුමාණන්ගේ සීයා මිය යන විට එතුමාණන්ගේ වයස කීයද?

පිළිතුර: එතුමාණන්ට අවුරුදු අටක් විය.

8. අබූ තාලිබ්ගේ සැබෑ නම කුමක්ද?

පිළිතුර: අබ්දු මනාෆ් බින් අබ්දිල් මුත්තලිබ් ය.

9. නබි ﷺ තුමාණන්ට කිරි දුන් කාන්තාවන් කවුද?

පිළිතුර: නබි ﷺ තුමාණන්ට කිරි දුන් අය:

1. සුවයිබා – ඇය අබූ ලහබ්ගේ වහල් කාන්තාවකි.
2. හලීමා බින්ත් අබී දුඅයිබ් අස්-සඃදිය්යා.

10. එතුමාණන්ගේ මව මිය ගියේ කවදාද?

පිළිතුර: නිවැරදි මතයට අනුව, එතුමාණන්ට අවුරුදු හයක් වන විට එතුමාණන්ගේ මව මිය ගියාය.

11. නබි ﷺ තුමාණන්ගේ මව මිය ගියේ කොහේදීද?

පිළිතුර: අබ්වා නම් ස්ථානයේදීය. එය මක්කාව සහ මදීනාව අතර පිහිටා ඇත.

12. නබි ﷺ තුමාණන්ට නබිත්වය ලැබීමට පෙර කුමන අන්වර්ථ නාමවලින් හැඳින්වූයේද?

පිළිතුර: එතුමාණන් “අස්-සාදික් අල්-අමීන්” යනුවෙන් හැඳින්වූහ. එහි අර්ථය “සත්‍යවාදී සහ විශ්වාසවන්තයා” යන්නයි.

13. නබි ﷺ තුමාණන් නබිත්වය ලැබීමට පෙර කොහේදී වන්දනා කළේද?

පිළිතුර: එතුමාණන් හිරා ගුහාවේදී වන්දනා කළහ.

මෙය ආයිෂා (රළියල්ලාහු අන්හා) තුමියගේ හදීසයේ සඳහන් වේ.

14. වහී පහළ වූයේ කවදාද සහ කොහේදීද?

පිළිතුර: රමළාන් මාසයේ ලයිලතුල් කද්ර් රාත්‍රියේදී, නබි ﷺ තුමාණන් හිරා ගුහාවේ සිටියදී වහී පහළ විය.

15. නබි ﷺ තුමාණන්ගේ කුන්යා නාමය කුමක්ද?

පිළිතුර: අබූල් කාසිම් ය.

16. අල්-කුර්ආනයෙන් මුලින්ම පහළ වූ ආයත් මොනවාද?

පිළිතුර:

සූරා අල්-අලක්හි පළමු ආයත් පහ – 96:1-5 ය.

“ඔබව මැවූ ඔබගේ පරමාධිපතිගේ නාමයෙන් කියවනු.”

සිට,

“මිනිසා නොදැන සිටි දේ ඔහුට ඉගැන්වීය.”

දක්වාය.

17. මුලින්ම ඉස්ලාමය වැළඳගත් අය කවුරුන්ද?

පිළිතුර:

• කාන්තාවන් අතරින්: කදීජා බින්ත් කුවයිලිද් (රළියල්ලාහු අන්හා)
• පිරිමින් අතරින්: අබූ බක්ර් අස්-සිද්දීක් (රළියල්ලාහු අන්හු)
• ළමුන් අතරින්: අලී බින් අබී තාලිබ් (රළියල්ලාහු අන්හු)
• වහල් පුද්ගලයන් අතරින්: සයිද් බින් හාරිසා (රළියල්ලාහු අන්හු)

18. නබි ﷺ තුමාණන්ගේ පියාගේ සහෝදරයන් අතරින් ඉස්ලාමය වැළඳගත් අය සහ ඉස්ලාමය නොවැළඳගත් අය කවුරුන්ද?

පිළිතුර: ඔවුන් සිව්දෙනෙකි:

1. හම්සා
2. අබ්බාස්
3. අබූ තාලිබ්
4. අබූ ලහබ් (අබ්දුල් උස්සා)

ඔවුන් අතරින් හම්සා සහ අබ්බාස් (රළියල්ලාහු අන්හුමා) හැර අනෙක් දෙදෙනා ඉස්ලාමය වැළඳ නොගත්හ.

19. නබි ﷺ තුමාණන්ගේ භාර්යාවන්ගේ නම් සඳහන් කරන්න.

පිළිතුර: ඔවුන්:

1. කදීජා බින්ත් කුවයිලිද්
2. සව්දා බින්ත් සම්ආ
3. ආයිෂා බින්ත් අබී බක්ර් අස්-සිද්දීක්
4. හෆ්සා බින්ත් උමර් බින් අල්-ඛත්තාබ්
5. උම්මු සලමා හින්ද් බින්ත් අබී උමය්යා
6. සයිනබ් බින්ත් ජහ්ෂ්
7. ජුවයිරියා බින්ත් අල්-හාරිස්
8. සෆිය්යා බින්ත් හුයය්
9. උම්මු හබීබා රම්ලා බින්ත් අබී සුෆ්යාන්
10. මයිමූනා බින්ත් අල්-හාරිස්
11. සයිනබ් බින්ත් කුසයිමා

රළියල්ලාහු අන්හුන්නා.

20. නබි ﷺ තුමාණන් මුලින්ම විවාහ වූ කාන්තාව කවුරුන්ද?

පිළිතුර: කදීජා බින්ත් කුවයිලිද් (රළියල්ලාහු අන්හා) තුමියයි.

21. නබි ﷺ තුමාණන් විවාහ වූ විට එතුමාණන්ගේ වයස කීයද?

පිළිතුර: නබි ﷺ තුමාණන්ට අවුරුදු 25ක් විය. මෙය බහුතර විද්වතුන්ගේ මතයයි.

22. කදීජා (රළියල්ලාහු අන්හා) තුමිය නබි ﷺ තුමාණන් සමඟ විවාහ වූ විට ඇයගේ වයස කීයද?

පිළිතුර: කදීජා (රළියල්ලාහු අන්හා) තුමියට අවුරුදු 40ක් වූ බව සඳහන් වේ.

23. කදීජා (රළියල්ලාහු අන්හා) තුමියගේ ගුණාංග කිහිපයක් සඳහන් කරන්න.

පිළිතුර:

1. අල්ලාහ් ඇයට ස්වර්ගයේ නිවසක් ඇති බවට ශුභාරංචි දැන්වීය.
2. ඇය මිය යන තුරු නබි ﷺ තුමාණන් වෙනත් කිසිදු කාන්තාවක් විවාහ කර නොගත්හ.
3. ඇයට ඇගේ පරමාධිපති වෙතින් සලාම් පවසා ඇත.
4. නබි ﷺ තුමාණන්ව මුලින්ම විශ්වාස කළ කාන්තාව ඇයයි.

24. නබි ﷺ තුමාණන්ගේ භාර්යාවන් අතරින් එතුමාණන් වඩාත් ප්‍රිය කළේ කවුරුන්ද?

පිළිතුර: ආයිෂා (රළියල්ලාහු අන්හා) තුමියයි. නබි ﷺ තුමාණන් කන්‍යාවක් ලෙස විවාහ කරගත් එකම භාර්යාව ඇයයි.

25. නබි ﷺ තුමාණන් අවසානයට විවාහ වූ කාන්තාව කවුරුන්ද?

පිළිතුර: මයිමූනා බින්ත් අල්-හාරිස් (රළියල්ලාහු අන්හා) තුමියයි.

26. නබි ﷺ තුමාණන්ගේ ජීවිත කාලය තුළ මිය ගිය එතුමාණන්ගේ භාර්යාවන් කවුරුන්ද?

පිළිතුර:

1. කදීජා බින්ත් කුවයිලිද්
2. සයිනබ් බින්ත් කුසයිමා

රළියල්ලාහු අන්හුමා.

27. නබි ﷺ තුමාණන්ගේ දරුවන් කීදෙනෙක් සිටියහ? ඔවුන් කවුරුන්ද?

පිළිතුර: හත්දෙනෙකි.

පිරිමි දරුවන් – තිදෙනෙකි:

1. කාසිම්
2. අබ්දුල්ලාහ්
3. ඉබ්‍රාහීම්

ගැහැණු දරුවන් – සිව්දෙනෙකි:

1. සයිනබ්
2. රුකයියා
3. උම්මු කුල්සූම්
4. ෆාතිමා

පිරිමි දරුවන් සියලුදෙනාම කුඩා වියේදීම මිය ගියහ.

නමුත් ගැහැණු දරුවන් නබිත්වය ලැබෙන අවස්ථාවේ ජීවත්ව සිටියහ. ඔවුන් ඉස්ලාමය වැළඳගත් අතර, නබි ﷺ තුමාණන් සමඟ හිජ්රත්ද කළහ.

28. නබි ﷺ තුමාණන්ගේ දරුවන් උපත ලැබුවේ කුමන භාර්යාවගෙන්ද?

පිළිතුර:

ඉබ්‍රාහීම් හැර අනෙක් සියලුම දරුවන් කදීජා (රළියල්ලාහු අන්හා) තුමියගෙන් උපත ලැබූහ.

ඉබ්‍රාහීම් පමණක් නබි ﷺ තුමාණන්ගේ සහාබියා වූ මාරියා අල්-කිප්තිය්යා (රළියල්ලාහු අන්හා) තුමියගෙන් උපත ලැබීය.

29. නබිත්වය ලැබීමෙන් පසු නබි ﷺ තුමාණන් මක්කාවේ කොපමණ කාලයක් රැඳී සිටියහ?

පිළිතුර: අවුරුදු 13ක් රැඳී සිටියහ. එතුමාණන් තව්හීද් වෙත ආරාධනා කරමින් ෂිර්ක්වලින් අනතුරු ඇඟවූහ.

එනම්, වචන, ක්‍රියා සහ විශ්වාසයන් තුළ අල්ලාහ් ප්‍රිය කරන හා ඔහු පිළිගන්නා දෑ ඔහු වෙනුවෙන් පමණක් සිදු කිරීමටත්, ඔහු පිළිකුල් කරන දෑ ඔහු වෙනුවෙන් පමණක් අත්හැරීමටත් ආරාධනා කළහ.

30. නබි ﷺ තුමාණන්ගේ නම් කිහිපයක් සඳහන් කරන්න.

පිළිතුර:

1. මුහම්මද්
2. අහ්මද්
3. මාහි – ඔහු මගින් කුෆ්ර් විනාශ කරනු ලැබේ.
4. ආකිබ් – ඔහුගෙන් පසුව කිසිදු නබිවරයෙකු නොමැත.
5. හාෂිර් – මිනිසුන් ඔහුගේ පාද දෙක අසල එක්රැස් කරනු ලබති.
6. නබිය්යුර් රහ්මා – කරුණාවේ නබිවරයා.
7. නබිය්යුත් තව්බා – පශ්චාත්තාපයේ නබිවරයා.
8. නබිය්යුල් මල්හමා – සටනේ නබිවරයා.
9. ඛාතමුන් නබිය්යීන් – නබිවරුන්ගේ අවසාන නබිවරයා.
10. අබ්දුල්ලාහ් – අල්ලාහ්ගේ ගැත්තා.

රශ්නය 31:

නබි ﷺ තුමාණන් හිජ්රත් කළේ කොතැන සිට කොතැනටද?

පිළිතුර: මක්කා නගරයේ සිට මදීනා නගරය වෙත හිජ්රත් කළහ.

ප්‍රශ්නය 32:

හිජ්රත් ගමනේදී නබි ﷺ තුමාණන් සමඟ සිටි සහායකයා කවුද?

පිළිතුර: අබූ බක්ර් රළියල්ලාහු අන්හු තුමාය.

ප්‍රශ්නය 33:

හිජ්රත් ගමන සඳහා භාවිත කළ ඔටුවාගේ නම කුමක්ද?

පිළිතුර: අල්-කස්වා ය.

ප්‍රශ්නය 34:

හිජ්රත් ගමනේදී නබි ﷺ තුමාණන් සහ ඔවුන්ගේ සහායකයා සැඟවී සිටි ගුහාවේ නම කුමක්ද?

පිළිතුර: සව්ර් ගුහාවයි.

ප්‍රශ්නය 35:

ඔවුන් එම ගුහාවේ දින කීයක් රැඳී සිටියාද?

පිළිතුර: දින තුනක් රැඳී සිටියහ.

ඉන් අනතුරුව මාර්ගෝපදේශකයා ඔවුන් වෙත පැමිණි අතර, ඔවුන් එතැනින් පිටත්ව ගියහ.

ප්‍රශ්නය 36:

හිජ්රත් ගමනේදී නබි ﷺ තුමාණන් පසුපස හඹා ආ අශ්වාරෝහකයා කවුද?

පිළිතුර: සුරාකා බින් මාලික් ය.

නබි ﷺ තුමාණන් අල්ලා භාරදෙන පුද්ගලයාට ඔටුවන් 100ක ත්‍යාගයක් ප්‍රකාශ කර තිබූ බැවින්, එම ත්‍යාගය ලබාගැනීම සඳහා ඔහු නබි ﷺ තුමාණන් සොයා පැමිණියේය.

ප්‍රශ්නය 37:

නබි ﷺ තුමාණන් මදීනාවට පැමිණි අවස්ථාවේ පළමුව ඔවුන්ව දුටුවේ කවුද?

පිළිතුර: යුදෙව්වන් අතර සිටි එක් මිනිසෙකි.

ප්‍රශ්නය 38:

නබි ﷺ තුමාණන් මදීනාවට ඇතුළු වූයේ කුමන දිනයේද?

පිළිතුර: රබීඋල් අව්වල් මාසයේ සඳුදා දිනයකය.

මෙය වඩාත් විශ්වාසදායක මතය බව හෆිල් ඉබ්නු හජර් පවසයි.

ප්‍රශ්නය 39:

මදීනාවට පැමිණි පසු නබි ﷺ තුමාණන් පළමුව නවාතැන් ගත්තේ කොහේද?

පිළිතුර: බනූ අම්ර් බින් අව්ෆ් ගෝත්‍රිකයන් අතර, කුබා ප්‍රදේශයේ නවාතැන් ගත්හ.

ඉන් අනතුරුව, ඔවුන් ගමන් කළ ඔටුවා අල්ලාහ්ගේ නියෝගය අනුව නතර වූ ස්ථානයට ඉතා ආසන්නව පිහිටි අබූ අය්යූබ් අල්-අන්සාරි රළියල්ලාහු අන්හු තුමාගේ නිවසේ මාස කිහිපයක් නවාතැන් ගත්හ.

ප්‍රශ්නය 40:

නබි ﷺ තුමාණන් බනූ අම්ර් බින් අව්ෆ් ගෝත්‍රිකයන් අතර කොපමණ කාලයක් රැඳී සිටියාද?

පිළිතුර: අනස් රළියල්ලාහු අන්හු තුමා වාර්තා කරයි:

“ඔවුන් අතර රාත්‍රී දහහතරක් රැඳී සිටියහ.”
(මුස්ලිම්)

ප්‍රශ්නය 41:

අල්ලාහ්ගේ දූතයාණන් ﷺ මදීනාවට හිජ්රත් කර පැමිණි අවස්ථාවේ කළේ කුමක්ද?

පිළිතුර: ඉස්ලාමීය සමාජයේ පදනම ගොඩනැගීමේ අරමුණින් කුබා මස්ජිදය ඉදිකළහ. හිජ්රත් කිරීමෙන් පසු ඉදිකරන ලද පළමු මස්ජිදය එයයි.

ප්‍රශ්නය 42:

හිජ්රත් කිරීමෙන් පසු කුබාහිදී නබි ﷺ තුමාණන් පළමුව නවාතැන් ගත්තේ කාගේ නිවසේද?

පිළිතුර: කුල්සුම් බින් හිද්ම් රළියල්ලාහු අන්හු තුමාගේ නිවසේ නවාතැන් ගත්හ.

ප්‍රශ්නය 43:

කුබාහි සිටියදී අල්ලාහ්ගේ දූතයාණන් ﷺ හමුවීමට පළමුව පැමිණි සහාබිවරයා කවුද?

පිළිතුර: සල්මාන් අල්-ෆාරිසි රළියල්ලාහු අන්හු තුමාය.

ප්‍රශ්නය 44:

හිජ්රත් කිරීමෙන් පසු මුහාජිර්වරුන් අතර පළමුව උපන් දරුවාගේ නම කුමක්ද?

පිළිතුර: කුබාහිදී උපන් අබ්දුල්ලාහ් ඉබ්නු සුබයිර් රළියල්ලාහු අන්හු තුමාය.

ප්‍රශ්නය 45:

නබි ﷺ තුමාණන් මදීනාවට පැමිණි විට මදීනාවේ නවාතැන් ගත්තේ කොහේද?

පිළිතුර: අන්සාර්වරුන් අතරින් කෙනෙකු වූ අබූ අය්යූබ් අල්-අන්සාරි රළියල්ලාහු අන්හු තුමාගේ නිවසේ නවාතැන් ගත්හ. එයට හේතුව ඔහු නබි ﷺ තුමාණන්ගේ පියාගේ පාර්ශ්වයෙන් ඥාතියෙකු වූ අතර, බනූ නජ්ජාර් ගෝත්‍රයට අයත් වූ බැවිනි.

ප්‍රශ්නය 46:

නබි ﷺ තුමාණන් මදීනාවට පැමිණි පසු මුලින්ම ඉස්ලාමය වැළඳගත් යුදෙව්වරයා කවුද?

පිළිතුර: අබ්දුල්ලාහ් ඉබ්නු සලාම් රළියල්ලාහු අන්හු තුමාය.

ප්‍රශ්නය 47:

නබි ﷺ තුමාණන් මදීනාවේ ආරම්භක කාලයේ සිදු කළ වැදගත් කාර්යයන් මොනවාද?

පිළිතුර:

• නබවී මස්ජිදය ඉදිකළහ.
• මුහාජිර්වරුන් සහ අන්සාර්වරුන් අතර සහෝදරත්වය ඇති කළහ.

ප්‍රශ්නය 48:

නබි ﷺ තුමාණන් මදීනාවේ කොපමණ වසරක් රැඳී සිටියාද?

පිළිතුර: නබි ﷺ තුමාණන් මදීනාවේ වසර දහයක් රැඳී සිටියහ.

ප්‍රශ්නය 49:

නබි ﷺ තුමාණන්ට සූනියම් කළේ කවුද?

පිළිතුර: ලබීද් ඉබ්නු අඃසම් නම් යුදෙව්වරයාය.

ප්‍රශ්නය 50:

මදීනාවේ සිටි යුදෙව් ගෝත්‍ර මොනවාද?

පිළිතුර:

1. බනූ කයිනුකාඃ.
2. බනූ නදීර්.
3. බනූ කුරයිළා.

රශ්නය 51:

නබි ﷺ තුමාණන් මියගියේ කවදාද? කොහේදීද?

පිළිතුර: නබි ﷺ තුමාණන් හිජ්රි 11 වන වසරේ රබීඋල් අව්වල් මාසයේ සඳුදා දිනයක මදීනාවේදී අභාවප්‍රාප්ත වූහ.

ප්‍රශ්නය 52:

නබි ﷺ තුමාණන් අභාවප්‍රාප්ත වන විට ඔවුන්ගේ වයස කොපමණද?

පිළිතුර: නබි ﷺ තුමාණන් අභාවප්‍රාප්ත වන විට වයස අවුරුදු 63කි.

ප්‍රශ්නය 53:

නබි ﷺ තුමාණන් සහභාගී වූ යුද්ධ සංඛ්‍යාව කොපමණද?

පිළිතුර: නබි ﷺ තුමාණන් යුද්ධ 25කට සහභාගී වූහ.

ඒ අතරින් ප්‍රසිද්ධ ඒවා වන්නේ:

• බද්ර්
• උහුද්
• හන්දක්
• හුදයිබියා
• හයිබර්
• මක්කා ජයග්‍රහණය
• හුනයින්
• මුඃතා
• තබූක්

ප්‍රශ්නය 54:

නබි ﷺ තුමාණන් සහභාගී වූ පළමු යුද්ධය කුමක්ද?

පිළිතුර: අබ්වා යුද්ධයයි.

එය හිජ්රි 2 වන වසරේ සෆර් මාසයේ සිදු විය. අවසාන යුද්ධය තබූක් යුද්ධයයි.

ප්‍රශ්නය 55:

බද්ර් යුද්ධය සිදු වූයේ කවදාද?

පිළිතුර: හිජ්රි 2 වන වසරේ රමළාන් මාසයේ 17 වන දින, සිකුරාදා දිනයේ බද්ර් යුද්ධය සිදු විය.

ප්‍රශ්නය 56:

බද්ර් යුද්ධයේදී මුස්ලිම්වරුන්ගේ සංඛ්‍යාව කොපමණද?

පිළිතුර: ආසන්න වශයෙන් 313 දෙනෙකි.

ප්‍රශ්නය 57:

බද්ර් යුද්ධයේදී මුස්ලිම්වරුන් සතුව අශ්වයන් කී දෙනෙක් සිටියාද?

පිළිතුර: අශ්වයන් දෙදෙනෙකු සිටියහ.

• එක් අශ්වයෙකු සුබයිර් ඉබ්නුල් අව්වාම් රළියල්ලාහු අන්හු තුමාට අයත් විය.
• අනෙක් අශ්වයා මික්දාද් ඉබ්නුල් අස්වද් රළියල්ලාහු අන්හු තුමාට අයත් විය.

තවද, ඔවුන් සතුව ඔටුවන් 70 දෙනෙකු සිටියහ. එක් ඔටුවෙකු මත දෙදෙනෙකු හෝ තිදෙනෙකු මාරුවෙන් මාරුවට ගමන් කළහ.

ප්‍රශ්නය 58:

බද්ර් යුද්ධයේදී මුෂ්රිකයන්ගේ හමුදාවේ සංඛ්‍යාව කොපමණද?

පිළිතුර: 1,000 දෙනෙකි.

ප්‍රශ්නය 59:

බද්ර් යුද්ධයේදී මුෂ්රිකයන්ගෙන් කී දෙනෙක් මිය ගිය අතර, කී දෙනෙක් සිරභාරයට ගනු ලැබුවේද?

පිළිතුර: 70 දෙනෙක් මිය ගිය අතර, 70 දෙනෙක් සිරභාරයට ගනු ලැබූහ.

ප්‍රශ්නය 60:

බද්ර් යුද්ධයේදී මුස්ලිම්වරුන්ගෙන් කී දෙනෙක් ෂහීද් වූවාද?

පිළිතුර: 14 දෙනෙක් ෂහීද් වූහ.

• මුහාජිර්වරුන්: 6 දෙනෙක්
• අන්සාර්වරුන්: 8 දෙනෙක්

ප්‍රශ්නය 61:

බද්ර් යුද්ධයේ සිදුවීම් විස්තරාත්මකව සඳහන් වන සූරාව කුමක්ද?

පිළිතුර: සූරා අල්-අන්ෆාල් ය.

ප්‍රශ්නය 62:

උහුද් යුද්ධය සිදු වූයේ කවදාද?

පිළිතුර: හිජ්රි 3 වන වසරේ ෂව්වාල් මාසයේදී එය සිදු විය.

ප්‍රශ්නය 63:

උහුද් යුද්ධය සිදුවීමට හේතුව කුමක්ද?

පිළිතුර: බද්ර් යුද්ධයේදී මියගිය තම සටන්කරුවන් වෙනුවෙන් පළිගැනීමට කුරෙයිෂ්වරුන්ට අවශ්‍ය වූ බැවිනි.

ප්‍රශ්නය 64:

උහුද් යුද්ධයේදී මුෂ්රිකයන්ගේ හමුදාවේ කී දෙනෙක් සිටියාද?

පිළිතුර: සටන්කරුවන් 3,000 දෙනෙක් සිටියහ. ඔවුන් සතුව අශ්වයන් 200ක්ද තිබිණි.

ප්‍රශ්නය 65:

උහුද් යුද්ධයේදී මුස්ලිම්වරුන්ගේ හමුදාවේ කී දෙනෙක් සිටියාද?

පිළිතුර: සටන්කරුවන් 1,000 දෙනෙක් සිටියහ. ඔවුන් සතුව අශ්වයන් දෙදෙනෙක් සිටියහ.

ප්‍රශ්නය 66:

උහුද් යුද්ධයේදී මුස්ලිම්වරුන්ගෙන් කී දෙනෙක් ෂහීද් වූවාද?

පිළිතුර: 70 දෙනෙක් ෂහීද් වූහ.

ප්‍රශ්නය 67:

උහුද් යුද්ධයේදී ෂහීද් වූවන්ගෙන් කිහිප දෙනෙකුගේ නම් සඳහන් කරන්න.

පිළිතුර:

1. මුස්අබ් ඉබ්නු උමයිර්.
2. හන්ළලා ඉබ්නු අබී ආමිර්.
3. හම්සා ඉබ්නු අබ්දුල් මුත්තලිබ්.
4. අබ්දුල්ලාහ් ඉබ්නු හරාම් — ජාබිර් රළියල්ලාහු අන්හු තුමාගේ පියා.
5. අනස් ඉබ්නු අන්-නළ්ර්.
6. අබ්දුල්ලාහ් ඉබ්නු ජුබයිර්.
7. අම්ර් ඉබ්නු අල්-ජමූහ්.

රළියල්ලාහු අන්හුම්.

ප්‍රශ්නය 68:

“ෂහීද්වරුන්ගේ නායකයා” යනුවෙන් හඳුන්වනු ලබන්නේ කාවද?

පිළිතුර: හම්සා ඉබ්නු අබ්දුල් මුත්තලිබ් රළියල්ලාහු අන්හු තුමාය.

ප්‍රශ්නය 69:

හම්සා රළියල්ලාහු අන්හු තුමා ඝාතනය කළේ කවුද?

පිළිතුර: වහ්ෂි ඉබ්නු හර්බ් ය. ඔහු ඉස්ලාමය වැළඳගැනීමට පෙර හම්සා රළියල්ලාහු අන්හු තුමා ඝාතනය කළේය.

ප්‍රශ්නය 70:

(හන්දක්) අගල් යුද්ධය සිදු වූයේ කවදාද?

පිළිතුර: හිජ්රි 5 වන වසරේ ෂව්වාල් මාසයේදී එය සිදු විය.

ප්‍රශ්නය 71:

හන්දක් යුද්ධයේදී මුෂ්රිකයන්ගේ හමුදාවට නායකත්වය දුන්නේ කවුද? ඔවුන්ගේ හමුදාවේ කී දෙනෙක් සිටියාද?

පිළිතුර: කුරෙයිෂ්වරුන්ගේ නායකයා වූ අබූ සුෆ්යාන් බින් හර්බ් ඔවුන්ගේ හමුදාවට නායකත්වය දුන්නේය. ඔහුගේ හමුදාවේ සටන්කරුවන් 10,000ක් සිටියහ.

ප්‍රශ්නය 72:

හන්දක් යුද්ධයේදී මුස්ලිම්වරුන්ගේ හමුදාවේ කී දෙනෙක් සිටියාද?

පිළිතුර: 3,000 දෙනෙක් සිටියහ.

ප්‍රශ්නය 73:

හුදයිබියා ගිවිසුම සිදු වූ අවස්ථාවේ මුස්ලිම්වරුන් කී දෙනෙක් සිටියාද?

පිළිතුර: ජාබිර් රළියල්ලාහු අන්හු තුමා මෙසේ පවසයි:

අල්ලාහ්ගේ දූතයාණන් ﷺ හුදයිබියා දිනයේ අපට මෙසේ පැවසූහ:

“ඔබලා පොළොවේ සිටින මිනිසුන් අතරින් ශ්‍රේෂ්ඨතමයන් වේ.”

එවිට අපි 1,400 දෙනෙක් සිටියෙමු.

මූලාශ්‍රය: සහීහුල් බුහාරි – 4150

ප්‍රශ්නය 74:

හයිබර් යුද්ධය සිදු වූයේ කවදාද?

පිළිතුර: හිජ්රි 7 වන වසරේදී එය සිදු විය.

ප්‍රශ්නය 75:

මුඃතා යුද්ධය සිදු වූයේ කවදාද?

පිළිතුර: හිජ්රි 8 වන වසරේ ජුමාදල්-උලා මාසයේදී එය සිදු විය.

ප්‍රශ්නය 76:

මක්කා ජයග්‍රහණය සිදු වූයේ කවදාද?

පිළිතුර: හිජ්රි 8 වන වසරේ රමළාන් මාසයේ 20 වන දිනයේදී එය සිදු විය.

ප්‍රශ්නය 77:

හුනයින් යුද්ධය සිදු වූයේ කවදාද?

පිළිතුර: හිජ්රි 8 වන වසරේ ෂව්වාල් මාසයේදී එය සිදු විය.

ප්‍රශ්නය 78:

තබූක් යුද්ධය සිදු වූයේ කවදාද?

පිළිතුර: හිජ්රි 9 වන වසරේ රජබ් මාසයේදී, විදායි හජ්ජයට පෙර එය සිදු විය.

ප්‍රශ්නය 79:

තබූක් යුද්ධයේදී මුස්ලිම්වරුන්ගේ හමුදාවේ කී දෙනෙක් සටන්කරුවන් ලෙස සිටියාද?

පිළිතුර: සටන්කරුවන් 30,000ක් සිටියහ.

ප්‍රශ්නය 80:

තබූක් යුද්ධය සිදු වූයේ කා අතරද?

පිළිතුර: මුස්ලිම්වරුන් සහ රෝමවරුන් අතර එය සිදු විය.

සහාබාවරු

ප්‍රශ්නය 81:

සහාබිවරයෙකු යනු කවුද?

පිළිතුර: නබි ﷺ තුමාණන්ව ඊමානයෙන් යුතුව හමුවී, ඉස්ලාමය මතම මියගිය පුද්ගලයා “සහාබි” යනුවෙන් හැඳින්වේ.

(යම් පුද්ගලයෙකු අතරතුර ආගම හැර ගියද, පසුව නැවත ඉස්ලාමයට පැමිණ ඉස්ලාමය මතම මිය ගියේ නම්, නිවැරදි මතය අනුව ඔහුද සහාබිවරයෙකු වේ. මෙය හෆිල් ඉබ්නු හජර් තුමාගේ මතයයි.)

ප්‍රශ්නය 82:

සහාබාවරුන් අතරින් ශ්‍රේෂ්ඨතමයා කවුද?

පිළිතුර: අබූ බක්ර් අස්-සිද්දීක් රළියල්ලාහු අන්හු තුමාය.

ප්‍රශ්නය 83:

නිවැරදි මාර්ගයේ ගමන් කළ කලීෆාවරුන් කවුද?

පිළිතුර:

1. අබූ බක්ර් අස්-සිද්දීක් රළියල්ලාහු අන්හු.
2. උමර් ඉබ්නුල් ඛත්තාබ් රළියල්ලාහු අන්හු.
3. උස්මාන් ඉබ්නු අෆ්ෆාන් රළියල්ලාහු අන්හු.
4. අලී ඉබ්නු අබී තාලිබ් රළියල්ලාහු අන්හු.

රළියල්ලාහු අන්හුම්.

ප්‍රශ්නය 84:

ස්වර්ගය ලැබෙන බවට ශුභාරංචි දන්වා ඇති සහාබාවරුන් දසදෙනා කවුද?

පිළිතුර: ඔවුන් නම්:

1. අබූ බක්ර් අස්-සිද්දීක් රළියල්ලාහු අන්හු — ඔහුගේ නම අබ්දුල්ලාහ් ඉබ්නු උස්මාන්.
2. උමර් ඉබ්නුල් ඛත්තාබ් රළියල්ලාහු අන්හු — අබූ හෆ්ස්.
3. උස්මාන් ඉබ්නු අෆ්ෆාන් රළියල්ලාහු අන්හු — අබූ අබ්දිල්ලාහ්.
4. අලී ඉබ්නු අබී තාලිබ් රළියල්ලාහු අන්හු — අබුල් හසන්.
5. තල්හා ඉබ්නු උබයිදුල්ලාහ් රළියල්ලාහු අන්හු.
6. සුබයිර් ඉබ්නුල් අව්වාම් රළියල්ලාහු අන්හු.
7. සඅද් ඉබ්නු අබී වක්කාස් රළියල්ලාහු අන්හු — අබූ ඉස්හාක්.
8. අබ්දුර් රහ්මාන් ඉබ්නු අව්ෆ් රළියල්ලාහු අන්හු — අබූ මුහම්මද්.
9. අබූ උබයිදා ඉබ්නුල් ජර්රාහ් රළියල්ලාහු අන්හු — ඔහුගේ නම ආමිර් ඉබ්නු අබ්දිල්ලාහ්.
10. සඅීද් ඉබ්නු සයිද් රළියල්ලාහු අන්හු.

ප්‍රශ්නය 85:

පිරිමින් අතරින් නබි ﷺ තුමාණන්ට වඩාත් ප්‍රියතම පුද්ගලයා කවුද?

පිළිතුර: අබූ බක්ර් අස්-සිද්දීක් රළියල්ලාහු අන්හු තුමාය.

ප්‍රශ්නය 86:

“අල්-ෆාරූක්” යනුවෙන් හඳුන්වනු ලබන්නේ කවුද?

පිළිතුර: උමර් ඉබ්නුල් ඛත්තාබ් රළියල්ලාහු අන්හු තුමාය.

ප්‍රශ්නය 87:

“දෙආලෝකයන්ගේ හිමිකරු” (දුන්නූරයින්) යනුවෙන් හඳුන්වනු ලබන්නේ කවුද?

පිළිතුර: උස්මාන් ඉබ්නු අෆ්ෆාන් රළියල්ලාහු අන්හු තුමාය.

ප්‍රශ්නය 88:

ඔහු “දෙආලෝකයන්ගේ හිමිකරු” (දුන්නූරයින්) යනුවෙන් හඳුන්වනු ලැබීමට හේතුව කුමක්ද?

පිළිතුර: නබි ﷺ තුමාණන්ගේ දියණියන් දෙදෙනෙකු සමඟ විවාහ වූ බැවිනි.

පළමුව රුකයියා රළියල්ලාහු අන්හා සමඟ විවාහ වූ අතර, ඇය අභාවප්‍රාප්ත වූ පසු උම්මු කුල්සූම් රළියල්ලාහු අන්හා සමඟ විවාහ වූහ.

ප්‍රශ්නය 89:

අල්ලාහ්ගේ දූතයාණන් ﷺ තුමාණන්ගේ “හවාරි” (ළඟම සහායකයා) යනුවෙන් හඳුන්වනු ලබන්නේ කවුද?

පිළිතුර: සුබයිර් ඉබ්නුල් අව්වාම් රළියල්ලාහු අන්හු තුමාය.

ප්‍රශ්නය 90:

“මෙම උම්මතයේ විශ්වාසවන්තයා” (අමීනු හාදിഹිල් උම්මා) යනුවෙන් හඳුන්වනු ලබන්නේ කවුද?

පිළිතුර: අබූ උබයිදා ඉබ්නුල් ජර්රාහ් රළියල්ලාහු අන්හු තුමාය.

ප්‍රශ්නය 91:

අල්ලාහ්ගේ මාර්ගයේ පළමුවෙන්ම ඊතලයක් විදින ලද්දේ කවුරුන්ද?

පිළිතුර: සඅද් ඉබ්නු අබී වක්කාස් රළියල්ලාහු අන්හු තුමාය.

ප්‍රශ්නය 92:

“ස්වර්ගයේ තරුණයන්ගේ නායකයන්” යනුවෙන් හඳුන්වනු ලබන දෙදෙනා කවුද?

පිළිතුර: හසන් සහ හුසයින් රළියල්ලාහු අන්හුමා යන දෙදෙනාය.

ප්‍රශ්නය 93:

අල්-කුර්ආනයේ තෆ්සීර් විශාරදයා සහ මෙම උම්මතයේ විද්වතා ලෙස ප්‍රසිද්ධ වූයේ කවුද?

පිළිතුර: අබ්දුල්ලාහ් ඉබ්නු අබ්බාස් රළියල්ලාහු අන්හුමා තුමාය.

ප්‍රශ්නය 94:

තබූක් යුද්ධයට නොගොස් පසුබැස සිටීමෙන් පසු අල්ලාහ් විසින් සමාව දෙන ලද තිදෙනා කවුද?

පිළිතුර: කඅබ් ඉබ්නු මාලික්, මුරාරා ඉබ්නුර් රබීඃ සහ හිලාල් ඉබ්නු උමය්යා රළියල්ලාහු අන්හුම් යන තිදෙනාය.

ප්‍රශ්නය 95:

හදීස් දහසකට වැඩි ප්‍රමාණයක් වාර්තා කළ ප්‍රධාන සහාබාවරුන් හත්දෙනා කවුද?

පිළිතුර:

1. අබූ හුරයිරා රළියල්ලාහු අන්හු.
2. ඉබ්නු උමර් රළියල්ලාහු අන්හු.
3. අනස් ඉබ්නු මාලික් රළියල්ලාහු අන්හු.
4. අබූ සඅීද් අල්-කුද්රි රළියල්ලාහු අන්හු.
5. ඉබ්නු අබ්බාස් රළියල්ලාහු අන්හුමා.
6. ජාබිර් ඉබ්නු අබ්දිල්ලාහ් රළියල්ලාහු අන්හු.
7. ආයිෂා රළියල්ලාහු අන්හා.

රළියල්ලාහු අන්හුම්.

ප්‍රශ්නය 96:

“අබ්දුල්ලාහ්වරුන් හතරදෙනා” යනුවෙන් හඳුන්වනු ලබන්නේ කවුද?

පිළිතුර:

1. අබ්දුල්ලාහ් ඉබ්නු අබ්බාස්.
2. අබ්දුල්ලාහ් ඉබ්නු අම්ර් ඉබ්නුල් ආස්.
3. අබ්දුල්ලාහ් ඉබ්නු උමර්.
4. අබ්දුල්ලාහ් ඉබ්නු සුබයිර්.

රළියල්ලාහු අන්හුම්.

ප්‍රශ්නය 97:

ලෝකයේ සිටි ශ්‍රේෂ්ඨතම කාන්තාවන් කවුරුන්ද?

පිළිතුර:

1. අල්ලාහ්ගේ දූතයාණන් ﷺ තුමාණන්ගේ දියණිය ෆාතිමා.
2. අල්ලාහ්ගේ දූතයාණන් ﷺ තුමාණන්ගේ පළමු බිරිඳ වන ඛදීජා බින්ත් කුවයිලිද්.
3. ෆිර්අවුන්ගේ බිරිඳ ආසියා බින්ත් මුසාහිම්.
4. ඉම්රාන්ගේ දියණිය මර්යම්.

රළියල්ලාහු අන්හුන්න.

ප්‍රශ්නය 98:

“ලෝකයේ කාන්තාවන්ගේ නායිකාව” යනුවෙන් හඳුන්වනු ලබන්නේ කවුද?

පිළිතුර: අල්ලාහ්ගේ දූතයාණන් ﷺ තුමාණන්ගේ දියණිය ෆාතිමා රළියල්ලාහු අන්හාය.

ප්‍රශ්නය 99:

සාමාන්‍යයෙන් සහාබාවරුන් අතරින් ශ්‍රේෂ්ඨතමයන් කවුරුන්ද?

පිළිතුර:

• පළමුව, ඉස්ලාමය වැළඳගත් මුහාජිර්වරුන් අතර සිටි අය.
• ඉන්පසු, අන්සාර්වරුන් අතර සිටි අය.
• ඉන්පසු, බද්ර් යුද්ධයට සහභාගී වූ අය.
• ඉන්පසු, බයිඅතුර් රිළ්වාන්හි සහභාගී වූ අය.
• ඉන්පසු, මක්කා ජයග්‍රහණයට පෙර ඉස්ලාමය වැළඳගත් අය.
• ඉන්පසු, ඊට පසුව ඉස්ලාමය වැළඳගත් අය.

ප්‍රශ්නය 100:

සහාබාවරුන් අතරින් අවසානයට අභාවප්‍රාප්ත වූයේ කවුද?

පිළිතුර: අබූ තුෆයිල් ආමිර් ඉබ්නු වාසිලා රළියල්ලාහු අන්හු තුමාය.