පරිච්ඡේදය – 79
අන්නාසිආත් (බලවත්ව අත්පත් කරන්නෝ)
මක්කි – වැකි 46
بسم الله الرحمن الرحيم
අසීමිත කරුණාවන්තයාවූද අසම දයාවන්තයාවූද අල්ලාහ්ගේ නාමයෙන් (ආරම්භ කරමි.)
وَالنَّازِعَاتِ غَرْقًا
79:1. (දුෂ්ඨයින්ගේ ප්‍රාණ) බලවත්ව අත්පත් කරන්නන් කෙරෙහි දිවුරා පවසමි!
وَالنَّاشِطَاتِ نَشْطًا
79:2. (සැදැහවතුන්ගේ ප්‍රාණ) පහසුවෙන් අත්පත් කරන්නන් කෙරෙහි දිවුරා පවසමි!
وَالسَّابِحَاتِ سَبْحًا
79:3. වේගවත්ව පිහිනා යන්නන් කෙරෙහි දිවුරා පවසමි!
فَالسَّابِقَاتِ سَبْقًا
79:4. ඉක්මනින් ඉදිරියට යන්නන් කෙරෙහි දිවුරා පවසමි!
فَالْمُدَبِّرَاتِ أَمْرًا
79:5. කාර්යයන් පරිපාලනය කරන්නන් කෙරෙහි දිවුරා පවසමි!
يَوْمَ تَرْجُفُ الرَّاجِفَةُ
79:6. (පළමු වතාවට සුර් පිඹිනු ලබන්නේය.) 9එම දවසෙහි කම්පනයට ලක් වන දේ කම්පනයට ලක්වන්නේය.
تَتْبَعُهَا الرَّادِفَةُ
79:7. පසුපසින් පැමිණෙන දෙය එය පසු පසින් එන්නේය.
قُلُوبٌ يَوْمَئِذٍ وَاجِفَةٌ
79:8. 9එම දිනයෙහි (සමහර) හදවත් තිගැස්සීමට පත් වී තිබෙන්නේය.
أَبْصَارُهَا خَاشِعَةٌ
79:9. (භීතියෙන්) ඒවායෙහි බැලීම් පහත් වී තිබෙන්නේය.
يَقُولُونَ أَئِنَّا لَمَرْدُودُونَ فِي الْحَافِرَةِ
79:10. ‘නියතව අපි සොහොනෙහි සිට නැවත ගෙන යනු ලබන්නෙමුදැ?’ යි ඔවුහු අසති.
أَئِذَا كُنَّا عِظَامًا نَّخِرَةً
79:11. අපි දරාපත් වූ ඇට කටු ලෙස වූවත් (නැගිට්ටවනු ලබන්නෙමු)ද?
قَالُوا تِلْكَ إِذًا كَرَّةٌ خَاسِرَةٌ
79:12. එසේ වූයේ නම් එය මහා පාඩුවකින් යුත් ආපසු යෑමක් වේ යැයි පවසති.
فَإِنَّمَا هِيَ زَجْرَةٌ وَاحِدَةٌ
79:13. එය එකම එක ශබ්දයක්මය.
فَإِذَا هُم بِالسَّاهِرَةِ
79:14. එවිගසම ඔවුහු එළිමහනෙහි සිටින්නෝය.
هَلْ أتَاكَ حَدِيثُ مُوسَى
79:15. (ඕ:නබි!) ඔබ හමුවට 8මුසාගේ පුවත පැමිණියේද?
إِذْ نَادَاهُ رَبُّهُ بِالْوَادِ الْمُقَدَّسِ طُوًى
اذْهَبْ إِلَى فِرْعَوْنَ إِنَّهُ طَغَى
79:16,17. ඔහුගේ 10ස්වාමියා ‘තුවා’ නම් පිරිසිදු බෑවුමට ඔහුව අඞගසා, ඔබ ෆිර්අවුන් හමුවට යන්න! නියතව ඔහු සීමාව ඉක්මවූයේය (යි පැවසුවේය.)
فَقُلْ هَل لَّكَ إِلَى أَن تَزَكَّى
وَأَهْدِيَكَ إِلَى رَبِّكَ فَتَخْشَى
79:18,19. ‘ඔබ පිරිසිදු වීමටද, මා ඔබට ඔබගේ 10ස්වාමියා කරා මඟ පෙන්වා, ඔබ (ඔහුට) බිය වීමටද ඔබ කැමතිදැ?’ යි ඔහුගෙන් අසන්න! (යි 1අල්ලාහ් කීය.)
فَأَرَاهُ الْآيَةَ الْكُبْرَى
79:20. ඔහු (ෆිර්අවුන් වන) ඔහුට මහා සාක්ෂියක් පෙන්වූයේය.
فَكَذَّبَ وَعَصَى
79:21. නමුත්, ඔහු එය 49බොරු කර, වෙනස්කම් කළේය.
ثُمَّ أَدْبَرَ يَسْعَى
79:22. පසුව, ඔහු ඉවතලීම් කර, (8මූසාට එරෙහි වීමට) ඉදිරිපත් වූයේය.
فَحَشَرَ فَنَادَى
79:23. එහෙයින්, (ජනයාව) එක්රැස් කර, අඞගැසුවේය.
فَقَالَ أَنَا رَبُّكُمُ الْأَعْلَى
79:24. පසුව, මා ඔබලාගේ උසස් ස්වාමියාය’ යි පැවසුවේය.
فَأَخَذَهُ اللَّهُ نَكَالَ الْآخِرَةِ وَالْأُولَى
79:25. එහෙයින්, 1අල්ලාහ් එලෝ, මෙලෝ වධ වේදනාවෙන් ඔහුව අල්වාගත්තේය.
إِنَّ فِي ذَلِكَ لَعِبْرَةً لِّمَن يَخْشَى
79:26. නියතව, මෙහි (1අල්ලාහ්ට) බියවන්නාට පාඩමක් ඇත.
أَأَنتُمْ أَشَدُّ خَلْقًا أَمِ السَّمَاء بَنَاهَا
79:27. මැවුමෙන් ඔබලා දැඩි අයද? නැතිනම් අහසද? ඔහුම එය නිර්මාණය කළේය.
رَفَعَ سَمْكَهَا فَسَوَّاهَا
79:28. ඔහු එහි වියන ඔසවා, එය නිසියාකාරව සකස් කළේය.
وَأَغْطَشَ لَيْلَهَا وَأَخْرَجَ ضُحَاهَا
79:29. තවද, ඔහුම එහි රාත්‍රිය ආවරණය කර, එහි දවාල පිට කළේය.
وَالْأَرْضَ بَعْدَ ذَلِكَ دَحَاهَا
79:30. මෙයට පසුව ඔහු පොළොව එලුවේය.
أَخْرَجَ مِنْهَا مَاءهَا وَمَرْعَاهَا
79:31. තවද, ඔහු එයින් එහි ජලයද, එහි තණ බිම්ද පිට කළේය.
وَالْجِبَالَ أَرْسَاهَا
79:32. තවද කඳු (ඇබයන් ලෙස එහි) සිටෙව්වේය.
مَتَاعًا لَّكُمْ وَلِأَنْعَامِكُمْ
79:33. ඔබලාට හා ඔබලාගේ සතුන්ට ප්‍රයෝජන වීම පිණිස (මෙසේ කළේය.)
فَإِذَا جَاءتِ الطَّامَّةُ الْكُبْرَى
79:34. නමුත්, මහා විපැත්තිය පැමිණියේ නම්,
يَوْمَ يَتَذَكَّرُ الْإِنسَانُ مَا سَعَى
79:35. මිනිසා තමා කළ දේ ගැන 9එම දවසෙහි සිහිපත් කරගන්නේය.
وَبُرِّزَتِ الْجَحِيمُ لِمَن يَرَى
79:36. බලන්නාට (ඇස් ඉදිරියෙහි) 21නිරය පිටතට ගෙන එනු ලබන්නේය.
فَأَمَّا مَن طَغَى
وَآثَرَ الْحَيَاةَ الدُّنْيَا
فَإِنَّ الْجَحِيمَ هِيَ الْمَأْوَى
79:37,38,39. එහෙයින්, කවරෙක් සීමාව ඉක්මවා, මෙලෝ ජීවිතය තෝරාගත්තේද, නියතව 21නිරයම (ඔහුගේ) නවාතැන වේ.
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى
فَإِنَّ الْجَنَّةَ هِيَ الْمَأْوَى
79:40,41. කවරෙක් තම 10ස්වාමියා ඉදිරියෙහි සිටගැනීම ගැන බිය වී, මනෝ ඉච්ඡාවෙන් තමාව වළක්වාගත්තේද, නියතව (ඔහුගේ) නවා තැන 22ස්වර්ගය වේ.
يَسْأَلُونَكَ عَنِ السَّاعَةِ أَيَّانَ مُرْسَاهَا
79:42. (ඕ:නබි!) 9එලෝ දිනය විෂයෙහි ‘එය ඇතිවන්නේ කවදාදැ?’ යි ඔවුහු ඔබගෙන් අසති.
فِيمَ أَنتَ مِن ذِكْرَاهَا
79:43. එය ගැන පැවසීමට (නබි!) ඔබ හමුවෙහි කුමක් තිබේද?
إِلَى رَبِّكَ مُنتَهَاهَا
79:44. (එසේ නොව) ඔබගේ 10ස්වාමියා හමුවෙහිම තීරණය ඇත.
إِنَّمَا أَنتَ مُنذِرُ مَن يَخْشَاهَا
79:45. ඔබ එය ගැන බියවන්නන්ට 57අවවාද කරන්නාමය.
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا
79:46. ඔවුන් එය දකින දවසෙහි, සවසක හෝ උදයක හෝ සුළු වේලාවක් හැර තමන් (ලොවෙහි) නැවතී නොසිටියාක් මෙන් (ඔවුනට හැඟෙන්නේය.)