පරිච්ඡේදය – 92
අල්ලයිල් (රාත්‍රිය)
මක්කි – වැකි 21
بسم الله الرحمن الرحيم
අසීමිත කරුණාවන්තයාවූද අසම දයාවන්තයාවූද අල්ලාහ්ගේ නාමයෙන් (ආරම්භ කරමි.)
وَاللَّيْلِ إِذَا يَغْشَى
92:1. වසාගන්නා රාත්‍රිය කෙරෙහි දිවුරා පවසමි!
وَالنَّهَارِ إِذَا تَجَلَّى
92:2. (දීප්තිය සමඟ) පිටතට පැමිණෙන දවාල කෙරෙහි දිවුරා පවසමි!
وَمَا خَلَقَ الذَّكَرَ وَالْأُنثَى
92:3. පිරිමියාවද, ගැහැණියද මැවූකෙනා කෙරෙහි දිවුරා පවසමි!
إِنَّ سَعْيَكُمْ لَشَتَّى
92:4. නියතව ඔබලාගේ උත්සාහ විවිධාකාරය.
فَأَمَّا مَن أَعْطَى وَاتَّقَى
وَصَدَّقَ بِالْحُسْنَى
فَسَنُيَسِّرُهُ لِلْيُسْرَى
92:5,6,7. නමුත් කවරෙක් (දන්) දී (1අල්ලාහ්ට) බිය වී, තවද යහපත් දේ 49සැබෑ කරයිද ඔහුට, පහසු දෙය තවදුරටත් අපි පහසු කරන්නෙමු.
وَأَمَّا مَن بَخِلَ وَاسْتَغْنَى
وَكَذَّبَ بِالْحُسْنَى
فَسَنُيَسِّرُهُ لِلْعُسْرَى
92:8,9,10. තවද කවරෙක් ලෝභීකම පෙන්වා, (1අල්ලාහ් කෙරෙන්) තමාව අවශ්‍ය නොමැත්තෙකු ලෙස අදහස් කර, යහපත් දේ 49බොරු කරයිද ඔහුට, දුෂ්කරතාවයට අයත් දේ අපි පහසු කරන්නෙමු.
وَمَا يُغْنِي عَنْهُ مَالُهُ إِذَا تَرَدَّى
92:11. ඔහු (21නිරයෙහි) වැටුනේ නම්, ඔහුගේ සම්පත් ඔහුට ඵලක් ලබානොදෙන්නේය.
إِنَّ عَلَيْنَا لَلْهُدَى
92:12. නියතව 4යහමඟ පෙන්වීම අපගේ වගකීමක් වේ.
وَإِنَّ لَنَا لَلْآخِرَةَ وَالْأُولَى
92:13. නියතව 9එලොවද මෙලොවද අපටම අයත් වේ.
فَأَنذَرْتُكُمْ نَارًا تَلَظَّى
92:14. එහෙයින්, මම ඔබලාට දළු ලා ඇවිලෙන ගින්න ගැන අවවාද කරමි.
لَا يَصْلَاهَا إِلَّا الْأَشْقَى
الَّذِي كَذَّبَ وَتَوَلَّى
92:15,16. 49බොරු කර, ඉවතලීම් කරන වඩාත් මහා අභාග්‍යවන්තයෙකු හැර (වෙන කිසිවෙක්) එහි ඇතුළු නොවන්නේය.
وَسَيُجَنَّبُهَا الْأَتْقَى
92:17. (1අල්ලාහ්ට) අධිකව බියවන්නා එයින් ඈත් කරනු ලබන්නේය.
الَّذِي يُؤْتِي مَالَهُ يَتَزَكَّى
92:18. ඔහු, තම සම්පත් (දන් ලෙස) ලබා දී, තමාව පවිත්‍ර කරගන්නේය.
وَمَا لِأَحَدٍ عِندَهُ مِن نِّعْمَةٍ تُجْزَى
إِلَّا ابْتِغَاء وَجْهِ رَبِّهِ الْأَعْلَى
92:19,20. කිසිවෙකුටත් (ප්‍රති උපකාරයක් ලෙස) ලබා දිය යුතු කවර උපකාරයක් වුවද තමා හමුවෙහි නොමැතිව, වඩාත් උතුම් තමාගේ 10ස්වාමියාගේ (කීර්තිමත්) මුහුණ උදෙසාම (ලබාදෙයි.)
وَلَسَوْفَ يَرْضَى
92:21. තවද ඔහු (1අල්ලාහ්ගේ ආශිංෂණයෙන්) තෘප්තියට පත්වන්නේය.